بطاطس محشية مع الصوص والمشروم

المقادير

كيلو و نصف بطاطس حجمها متوسط وطولية الشكل – 1/4 كيلو لحمة مفرومة – بصلة مفرومة – ملح وفلفل وبهارات -  نصف كوب جبنة موتزاريلا.
مقادير الصوص:
كوبان من المشروم المقطع إلى شرائح صغيرة - معلقة توم مفروم كبيرة -  بصلة مفرومة - معلقة شطة – 2 معلقة باربكيو – 2 معلقة دقيق كبيرة - كوب كريمة لبانى – ملح – فلفل - حبهان مطحون -  معلقة زعتر مطحون صغيرة.

طريقة التحضير

-- قوموا بتقشير البطاطس وتقويرها ثم حمروها فى الزيت.
- أحضروا حلة وشوحوا فيها البصلة المفرومة على النار فى سمنة وضعوا اللحمة المفرومة واضيفوا الملح و الفلفل وقليل من التوابل واتركوها على النار حتى تستوي.
طريقة تحضير الصوص:
- أحضروا طاسة وشوحوا فيها البصلة المفرومة فى قليل من الزيت ثم أضيفوا التوم المفروم والشطة واستمروا فى التشويح.
- ضعوا المشروم المقطع على الخلطة السابقة وقلبوا المكونات معاً ثم ضعوا عليه التوابل والملح والفلفل مع استمرار التقليب ثم ضعوا الدقيق بعد ذلك على الخلطة مع التقليب المستمر حتى تمام التجانس.
- وفى النهاية اسكبوا الكريمة اللبانى على الخلطة والباربكيو استمرار التقليب للحصول على قوام ثقيل للصوص.
- وفى طبق قوموا بوضع اللحمة المفرومة بعد أن يتم تعصيجها مع الجبنة الموتزاريلا وتقليبهما جيداً ثم احشوا البطاطس بخليط اللحمة والجبنة، وفى طبق التقديم  رصوا المشروم وعليه كور البطاطس ويمكن تزيينها من فوق بعيدان البقدونس وبألف هنا.