على ضفاف الحرف

كلمات – جمال مرسى
رسوم – مجدى الكفراوى

 

يا شاعر قول و لا يهمك
أنا سامعك
وغيرى كتير
بيأسرهم كلامك لما بتقوله
وتتحرك مشاعرهم
عشان حسك.. عشان صوتك
عشان نبضك.. عشان اسمك
عشان الحرف زى السيف
فى وقت يعز فيه السيف
كلامك كلنا نحبه
عشان بيقوله قلب نضيف
مهوش ممزوج بكبر وزيف
كلام يخرج
من الوجدان إلى الوجدان
ويفضل حى جوانا لكل زمان
كلام فى الحق
ومن غيرنا يقول الـ «لأ»
فى وش الظلم والظالم