إبداع
فى ذكرى عبد العزيز سلاّم
شعراؤنا شموس فى سماء الإبداع، ينيرون لنا ببصيرتهم الثاقبة وإبداعاتهم طريقًا لمعرفة ما فاتنا من تاريخنا المعاصر من المعاش اليومى الذى لم نخبره.. اليوم تحتفى صفحة “إبداع” بذكرى رحيل الشاعر الراحل عبد العزيز سلام (1915- 1984).
حصل سلام على دبلوم دار العلوم عام 1940، وعمل فى بداية حياته مدرسا ثم استقال واتجه للعمل فى الصحافة حتى وصل إلى منصب رئيس تحرير مجلة المساحة ومجلة العروبة وفن السينما عام 1948، كما كتب للسينما القصص والسيناريوهات، و كتب الأغانى لعدد كبير من المطربين منهم فريد الأطرش، محمد فوزى، شادية، وردة، رجاء عبده، نور الهدى محمد.
حبيب القلب من جوه
حبيب القلب من جوه
قولوا لى بس فين هوَ
دا غاب عنى وحيرنى وسهرنى
عشان هو حبيب القلب من جوه
حبيب القلب راح ولا جاش
ومش عارف طريقه فين
وأنا عن حبه ما استغناش
ومين قساه على مين
ومين خلاه يزيد فى جفاه
وأنا بهواه عشان هوَ
حبيب القلب من جوه
حبيب القلب خاصمنى
ومش عارف خصامه ليه
وإيه اللى جرى منى
عشان يحرمنى من لياليه
وأنا واياه رضيت برضاه
وصنت هواه عشان هوَ
حبيب القلب من جوه
مخاصمك يا قلبى
مخاصمك يا قلبى ومش راضى عنك
ياريت كان بإيدى وأنا أتبرى منك
مخاصمك يا قلبى.. يا قلبى مخاصمك
تحب المحاسن وبتهوى الجمال
وتعشق يا قلبى وتبنى الآمال
وعشقك مذلة وحبـك خيال
ساقتنى مرارك كاوتنى بنــارك
ولا حد غيــرى يشيــــل هم عنـــــك
ياريت كان بإيدى وأنا أتبرى منـك
مخاصمك يا قلبى.. يا قلبى مخاصمك
لسحر العيون تسلم سلاحك
وفوق الشجون بتحضن جراحك
وعلى الجرح دايما بتطوى جناحك
وأنا أبكى عشانك وأهون هوانك
واواسى وأقاسى عذابك وحزنك
ياريت كان بإيدى وأنا أتبرى منــك
مخاصمك يا قلبى.. يا قلبى مخاصمك
يا قلبى كفاية وتوب عن هواك
مادام الحبايب بترضى ببكاك
مافيش حد منهم بيرحم اســاك
ولا حــد وعــدك ولا حــد ســـعدك
ولا حد واسى عــذابك وحـزنـــك
ياريت كان بإيدى وانا اتبرى منـك
مخاصمك يا قلبى.. يا قلبى مخاصمك
مخاصمك يا قلبى ومش راضى عنك
ياريت كان بإيدى وأنا أتبرى منك
مخاصمك يا قلبى.. يا قلبى مخاصمك
بقى عايز تنسانى
بقى عايز تنسانى
وتزود حرمانى
طب انسى وأنا ح انسى
أنا مش ح ارجعلك تانى
***
إيه بس اللى عملته
إيه ذنبى اللى جنيته
ده القلب اللى أنت ملكته
فاكرك وأنت نسيته
***
ياظالم.. ياجانى
بقى عايز تنسانى
طب انسى وأنا ح أنسى
أنا مش ح أرجعلك تانى
***
طمعتك فى حنانى
ووهبتك وجدانى
وبقيت ملك أيديك
اتاريك قاسى وغادر
وبتنسى ومش فاكر
أيامى ولياليك
***
يا ظالم.. ياجانى
بقى عايز تنسانى
طب أنسى وأنا ح أنسى
أنا مش ح أرجعلك تانى
جرى إيه ياعزالنا
جرى إيه يا عزّالنا شغلتوا بالنا ليه
ما تسيبونا ف حالنا إيه رح يفيدكم إيه
هو اللى فى الحب اتمنى يلقى نصيبه
حرام يحب ويتهنى ويّا حبيبه
قولوالنا ياعزال يا محيرين البال
شغلتوا بالنا ليه إيه رح يفيدكم إيه
الكلمة تصبح مية كلمة آه من اللايمين
ده الحب ياعزال قسمة بين القلبين
وليه كلامكم ليه وليه ملامكم ليه
ليه تحرموا القلب اللى يميل من أحبابه
ده كل شىء فى الحب جميل حتى عذابه
وأنا قلبى حب ومال ما يهمنيش عزال
شغلتوا بالنا ليه إيه رح يفيدكم إيه
ادينى ميعاد
ادينى ميعاد وقابلنى وكفاية بعاد وخصام
عايز اقابلك يا شاغلنى علشان لك عندى كلام
ادينى ميعاد .. ادينى ميعاد
اوعدنى واوفى بوعدك واسعدنى بجنة قربك
دنا لما تجينى ح اعاهدك لا ألومك يوم ولا أعاتبك
وكفاية اشوفك جنبى واحكى لك عاللى فى قلبى
وساعتها ح تسمع منى قصة أشواقى وغرامى
عايز اقابلك يا شاغلنى علشان لك عندى كلام
ادينى ميعاد.. ادينى ميعاد
الماضى اللى أنت طويته أنا عايز أعيد لياليه
واللى جرى لى أنا نسيته مش ح أشغل فكرك بيه
وان كان لى فى حبك قسمة ح تعود ليالينا بكلمة
وإن جتنى راح تسعدنى وح تصفى لنا الأيام
عايز أقابلك يا شاغلنى علشان لك عندى كلام
إدينى ميعاد وقابلنى وكفايه بعاد وخصام
عايز اقابلك يا شاغلنى علشان لك عندى كلام
إدينى ميعاد.. إدينى ميعاد
توب يا قلبى
توب يا قلبى توب يا قلبى توب يا قلبى توب
توب يا قلبى توب يا قلبى عن غرامك توب
توب يا قلبى يوم عن هواك وانساه
ليه تعيش محروم من حبيب تهواه
اللى باعك بيعه وانسى نار تلويعه
وارضى بالمكتوب توب يا قلبى توب
توب يا قلبى
توب وعيش مرتاح وأنسى كلمة آه
واللى راح أهو راح ليه حاتجرى وراه
ايه يا قلبى يفيدك من عذاب تنهيدك
عن هوى المحبوب توب يا قلبى توب
توب يا قلبى
توب بقى وارحمنى من قساك وآهاتى
قبل ما تروح منى وانت كل حياتى
ايه يا قلبى نابك من هوى أحبابك
توب بدل ما أدوب توب يا قلبى توب
توب يا قلبى
بيحبنى وبحبه
بيحبنى وبحبه وقلبى كلم قلبه
لكن عزولى جنبه حارمنى بهجة قربه
بيحبنى وبحبه
هو قمر فى علاه وإزاى أنا أوصل له
الروح بتتمناه دايما بتمشى فى ظله
هو معايا بقلبه وأنا بروحى بحبه
لكن عذولى جنبه حارمنى بهجة قربه
بيحبنى وبحبه
بتســقى ليه يا زمان شهدك لكل الناس
وتفوتنى ليه عطشان لوحدى من غير كاس
محروم وأنا فى قربه وأتمنى يوم أفرح به
لكن عزولى جنبه حارمنى بهجة قربه
بيحبنى وبحبه
يا واحشنى رد عليا
يا واحشنى رد عليا ازيك سلامات
انا احبك قد عنيّا والعمر فى حبك فات
سلامات سلامات.. يا واحشنى
روحى وعنيّا وقلبى يا حبيبى بيحبوك
عايزينك تفضل جمبى عايزين دايماً يشوفوك
وأنا وياهم مشتاقلك مشتاق لليالى هواك
وعشان كده دايما أقولك أمتى هيسعدنى لقاك
يا حبيب قلبى ياحياتى.. سلامات سلامات
امتى هتسعد اوقاتى.. سلامات سلامات
سلامات سلامات.. يا واحشنى
الشوق خدنى ورمانى على نارُ اللى بتكوينى
وغيابك طال خلانى سهران على دمعة عينى
شوف قلبى شوف حرمانى شوف حيرته وشوف تعذيبه
لية بس ح تنسى حنانه دا حبيبك وانت حبيبه
زى ما بيحبك حبو.. سلامات سلامات
ومحدش ينسى حبايبو.. سلامات سلامات
سلامات سلامات.. يا واحشنى
إن حبيتنى أحبك أكتر
إن حبيتنى أحبك أكتر وإن مليتنى رح أنسى هواك
كل ما تتغير ح أتغير وح أكون دايما كده وياك
إن حبيتنى أحبك اكتر
إن حبيتنى وصنت هوايا رح شيلك فى رموش العين
وأخلص لك طول ما أنت معايا وح نبقى أسعد قلبين
وأن مليتنى والا جافتنى
رح أ قولك فى الأول فكر
قبل ما تنسانى وأنساك
أنت حياى ووجدانى والدنيا تهنالى فى قربك
لكن لو ترضى بحرمانى رح ضحى بهنايا ف حبك
وانسى غرامك مع أيامك
وساعتها قلبك يتحير
وح تندم على كتر جفاك
علشان نفسى غالية عليا بتحب اللى يحب هناها
لو تراعيها بالحنية تلقى نعيم الدنيا معاها
وأن كان حبك راح من قلبك
رح ترجع على قلبى تدور
مش رح تلقى القلب معاك
وإن حبيتنى أحبك أكتر