واحة الإبداع .. أيام الحرية

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    


[email protected]

اللوحات للفنان:  عبدالعال حسن


 


أيام الحرية

كلمات - أبوالحسن عكاشة - أسوان


فاكر أيام الحرية
لما زمان كنا بندب
نلعب عسكر وحرامية
كانت الضحكة جوا القلب
كنا جيران فـ بيوت وشوارع
كنا سحابة سوا للخير
عُمر الحق ما كان يوم ضايع
عُمر الشر ما كان له كبير
كان الحلم بسيط حدوتة
نختم بيها قبل النوم
نقطف ثمرة ووردة  وتوتة
ونشوف صورة فى ألبوم
لما بنحزن كنا نعيط
ولا نعرفش طعم الهم
لما بنفرح كنا نزقطط
كانت الدنيا لينا تضم
يوم فرحتنا يوم العيد
لما بنلبس كل جديد
كانت فرحة فى كل وريد
نفرد دراعتنا ونلم
أما الحال دلوقتى اتغير
كان الماضى حلم وراح
طعم الفرح دا عمره قصير
نادر لما تعيش أفراح
بقت الذكرى هى الباقي
طعم نسيمها فى أشواقي
يمكن بكره اللحظة دى تاجي
يمكن حلمى فى بكره ألاقي
يمكن أرجع تانى موافي
تبقى قلوب لبعض تصافي
عُمر الخير ما يغيب ف عيونا
وعُمر حد فينا يجافي