الخميس 28 مارس 2024
رئيس مجلس الإدارة
هبة صادق
رئيس التحرير
احمد باشا

الرئيس السيسى «بيعمل» دولة جديدة و«نشكر ربنا» أوضاع كتير سيئة اتغيرت فى 5 سنوات

الرئيس السيسى «بيعمل» دولة جديدة و«نشكر ربنا» أوضاع كتير سيئة اتغيرت فى 5 سنوات
الرئيس السيسى «بيعمل» دولة جديدة و«نشكر ربنا» أوضاع كتير سيئة اتغيرت فى 5 سنوات




 كتب- السيد الشورى

 
تفقد البابا تواضروس الثانى، بابا الإسكندرية وبطريرك الكرازة المرقسية،  كنيسة السيدة العذراء والملاك ميخائيل بكونيتيكت فى نيويورك، ضمن جولته الرعوية فى الولايات المتحدة، وكان فى استقبال البابا أعداد كبيرة من شعب الكنيسة، ولفيف من ممثلى الطوائف المسيحية.
ووزع البابا هدايا تذكارية على مستقبليه من الضيوف، وألقى كلمة لشعب الكنيسة قال فيها: «أنا سعيد بزيارتكم ورؤية كنيستكم الجميلة وزى ما قلتلكم هى الخبرة الأولى فى زياراتى لأمريكا، لما جيت هنا من نحو ١٠ سنين وكانت فرصة طيبة وكان فيها أبونا إبراهام قبل مايبقى فيه عدد من الآباء المباركين، وطبعًا إيبارشية نيويورك وإنجلند ونيافة الأنبا ديفيد ومحبتكم وعملكم ونشاطكم الكبير شىء يفرح». وتابع: «أحوال مصر تتحسن وتتطور، ولازم نبقى عارفين إن كل مشكلة بتتحل بطريقة مختلفة عن الأخرى، وليست كل المشاكل تحل بالإعلام أو الصوت العالى وكل حاجة محتاجة حكمة والكنيسة ليست البابا فقط ولا الأساقفة فقط بل هى كل دول بالشمامسة والخدام والشعب فهى كيان كبير يعمل سويًا، وكل واحد بنعمة المسيح يقوم بدوره».
واستطرد البابا: «نشكر ربنا من 5 سنين منذ ثورة ٣٠ يونيو أوضاع كتير اتعدلت كانت سيئة من عشرات السنين، وأنتم فاهمين مجتمعنا بيزيد فى السكان نحو ٢.٥ مليون نسمة كل سنة وهذا بيعمل ضغط كبير ومصر ميزانيتها محدودة وهى دولة نامية ويتصرف على أساس تلك الامكانيات».
وأضاف: «نشهد أمام الله أن الأمور بتتحسن شوية بشوية خطوة بخطوة كام مرة كنا ننادى بأن مفيش محافظ مسيحى والآن بدأ التغيير فى هذا الناحية مشوار الألف ميل يبدأ بخطوة ونشكر الله، وأنا يهمنى المسئول يكون ذا كفاءة، جودة الشخص وكفاءته فى المنصب بتاعه هى الأساس وفى التعديل الأخير للمحافظين يوجد محافظ ومحافظة مسيحيين، دكتورة فاضلة محافظة لمحافظة ساحلية مهمة وهذه تعتبر خطوة هامة».
وقال البابا: «فيه واحد بيقول فيه مشكلة فى المنيا أيوه فيه مشكلات، لكن من أول الرئيس إلى جميع المسئولين بيحاولوا ينتبهوا لعمل مصر جديدة، وعلشان نغير بناخد وقت لكن هناك جهود مخلصة ومشروعات عملاقة وعمل دءوب على أرض مصر،  وهذا العمل لازم يكون له ثمر، النخلة بتقعد ٢٠ سنة حتى تجنى ثمار منها وتثمر بلحا، وهذا شىء مهم فنحن نؤمن بالعمل الروحى وإن الأمور كلها تتحسن ولما حضراتكم سبتوا مصر كانت مختلفة خالص، فيه أمور بتتعدل خلى عندك أمل ورجاء وبلاش يأس.
وتابع: «فاكرين لما مصر بدأت أول مشروع قناة السويس الجديدة قالوا عنها إنها ترعة لو تشوف الشباب اللى جاءوا من كنائسنا فى العالم كله، من نيويورك وكنائس أخرى وراحوا قناة السويس الجديدة وأخدهم الفريق مهاب مميش وشافوا القناة بقى طريقين رايح جاى ودخلوا القناة وركبوا سفن وتجولوا بالقناة وبيبنى بجوارها منطقة صناعية كبيرة بحجم سنغافورة فنماذج النجاح كثيرة،  وأنا شخصيًا أحيى المنظومة المصرية الرئيس والبرلمان والكل بيجتهد.
كان البابا قد وصل نيويورك أمس قادمًا من القاهرة فى رحلة رعوية جديدة لإيبارشيات  وكنائس  الولايات المتحدة الأمريكية، تستغرق عدة أسابيع، كما زار البابا كنيسة الملكة هيلانة والملكة آناسيمون بكوينز، لتدشين  مذابح.