يوميات شيماء وعباس
الكرتونة
الكرتونة
فاجأة كده بعد الجواز بكام شهر وبعد ما أهل مراتك يسألوك هاااامفيش حاجه فى السكة؟ تكتشف ان أحساسهم أعلى من احساس تامر حسنى فى حبيبى وانت بعيد، وبعدها بكام يوم تتأكد أن مراتك حامل.
تبدأ بقى هنا طلبات لكائن جديد هيدخل حياتك، وال أهمها السرير ال هيضيق أوضة النوم بتاعتك ال مفيهاش مكان للشبشب بتاعك، المهم بقى أنا قررت أنى مجبش سرير بعد ما لقيت سعره معدى الـ 1000ج، وقولت ليه مخليش ابنى من صغره مختلف ويكون سريره مفيش منه فى العالم، فقررت أنى أجيب كرتونة وأبطنها ونحطها على الكومدينو علشان يبقى قريب من السرير وقت النوم.
الموضوع كبر فى دماغى لدرجة أنى بفكر أعمل للكرتونة دى حزام علشان يبقى «كاريكوت للبيبي»واحنا خارجين.. يا ترى انا بخيل كده، وشيماء هتوافق تمرمط ابنها ولا أيه ؟ .