يوميات شيماء وعباس

الأكل

 

من أول مرة اتقابلنا ومحمد الأكل عنده «نمبر وان» واتأكدت من ده لما كنا بنعزمه عندنا ايام الخطوبة، لكن مكنتش اتوقع انه يغير تورتة الفرح ببيتزا كيك وكمان 3 أدوار!!!
ولما روحنا بيتنا مهتمش بشكل البيت بعد ما اتفرش ولا ان نخلى ذكرى رومانسية فى اول يوم فى البيت، لكن فى ثانية كان قالع الجذمة وجاكيت البدلة وبيتأمل الديك الرومى اللى على الترابيزة.. «أنا عايز اكل حاجة غريبة» دى أكتر جملة بسمعها، لدرجة ان لقيته فى يوم راجع البيت ومعاه اطول رغيف فينو وهنتغدى أطول سندوتش بانيه، وفعلا عملنا فوتو سيشن بالسندوتش والبيجامة.
الكلام عن الأكل فى بيتنا مش مجرد كلام عادي، لأنها بتوصل ان فيديوهات الأكل بقت بدل المسلسل العربى وبرنامج الأستاذ عمرو أديب بالنسبة لنا.