يوميات شيماء وعباس
أول خروجة
أول خروجة
أنا عارف إن دماغى مشغولة فى كذا حاجة «طلبات بيت وشغل وإيجار وفلوس جمعيات» بس مش لدرجة إني أنسى إنى متجوز؟ اااه والله زى ما بقولكم كده أنا فعلًا نسيت إنى متجوز، وده كان فى أول خروجة ليا مع شيماء بعد الجواز.
من أول ما قعدنا فى المكان اللى كنا خارجين فيه وأنا بتعامل كأنى خارج مع صحابى عادى ده حتى لما كان بيجيلى تليفون كنت بقوم أرد بعيد رغم إن اللى كانت بتتصل بيها أمها. وكانت الصدمة الكبيرة وإحنا مروحين إنى نسيت إنها هتروح معايا، وسألتها هتنزلى أنهى محطة مترو، فجأة لاقيتها بتبصلى بصه «أنت عبيط يلا ولا إيه».