يوميات شيماء وعباس

نصايح أم شيماء

دايما الحموات بينصحوا أزواج بناتهم أنهم يعاملوهم كويس ويخافوا عليهم وحاجات كده كلنا بنشوفها فى الافلام، لكن نصايح حماتى ليا كانت جديدة واعتقد كده ان مفيش حد نصح بيها قبل كده.. شيماء النوم عندها اهم من اى حاجة فى الدنيا ولو فكرت اصحيها بعد 12 ساعة نوم مثلا بتزعل انى قلقتها! لما اشتكيت لطنط لقتها بتقولى على طقوس وأغانى لازم اقولها لشيماء عشان تصحى فريش وعشان اكون زوج مثالى.. وهى «صباح الخير صباحنا رز بلبن وطبخنا وان كان الوقت بدرى كلنا وانشراحنا، يا صباح الياسمين على البنات الحلوين»، ومجموعة صباحات كتير كده مش فاكرها، وطبعا رد فعلى على الكلام ده كأن بتفرج على فيلم صينى من غير ترجمة.
وطبعا شيماء مهما عملتلها مش هتصحى غير لما تشبع نوم.