نشطاء فيس بوك.. بعد عودة الحظر والطوارئ مش ناقص غير مبارك يرجع وتبقي الثورة فوتوشوب

أطلق العديد من نشطاء موقع التواصل الاجتماعي «فيس بوك» التعليقات الساخرة علي قرار الرئيس محمد مرسي بإعلان حالة الطوارئ وتطبيق حظر التجوال في مدن القناة «بورسعيد والسويس والإسماعيلية» لمدة 30 يوما، من التاسعة مساء وحتي السادسة صباحا، فرغم قبول البعض القرارات بالترحيب إلا أن البعض الآخر رفضها معتبرين إياها عودة إلي حالة طوارئ ما قبل الثورة، وسخروا من محاولة «تنييم» مدن القناة من المغرب وهم من تحدوا النظام السابق وأسقطوه.

قالت هند علي: «عايز تنيم السويس وإسماعيلية وبورسعيد من المغرب ههههه دي بريطانيا واسرائيل وفرنسا ماعرفوش»، بينما قالت ندا العربي: «ويعني اشمعني مدن القناة ماليش دعوة أنا كمان عايزة حظر في القاهرة عشان انزل اتفرج عليه»، أما وليد صبحي علق بقوله: «والله أنا بفكر اعزم كل أصحابي اللي معندهمش حظر بيجوا يقضوا الحظر معايا»، وقال رأفت عبدالعال: «الطوارئ رجعت تاني.. وحظر التجول رجع تاني.. كده بقي مش ناقص غير مبارك وتبقي الثورة فوتوشوب»، وقالت رنا نجيب: سؤال لياسر برهامي: هل يجوز تهنئة أهل القناة بحالة الطوارئ؟»، وقال أحمد محمد: «شعب كان بينزل في عز الثورة في أوقات حظر التجوال وخلاه نكتة تضحك متبكيش جاي أنت دلوقت تقوله حظر»، بينما قال حازم سيف: «طبقا للمادة 148 من الدستور إعلان الرئيس للطوارئ باطل لأن المادة دي بتقول أن الريس قبل مايعلن الطوارئ لازم يعرضه علي مجلس الشعب»، وقال آخر: «ﻃﻮﺍﺭﺉ ﻃﻮﺍﺭﺉ.. ﻣﺎ ﻫﻮ ﺩﻩ ﺗﻤﺎمك.. هو مين يقدر يسجن مصر.. سجنها طيار وحبسناه»، وقال حسام: «مرسي يعزي الضحايا ويشكر الشرطة التي قتلتهم، ويفرض حظر التجول علي من نجا من رصاصها». كما توالت العديد من التعليقات الكوميدية علي صفحات «أساحبي» وغيرها علي الـ«فيس بوك» أبرزها: وعرض خاص: إعلان حالة الطوارئ في السويس وبورسعيد.. وإكسب حالة طوارئ في الاسماعيلية اللي ماحصلش فيها حاجة مجانا»، و«الكل يعمل «بوك» لبورسعيد والسويس والإسماعيلية عشان عندهم حظر تجول»، و«مرسي»: يا خيرت هو مبارك عمل ايه في الاحداث اللي زي دي».. عمل حظر تجول ياريس.. يبقي احنا لازم نعمل حاجة جديدة.. هنعمل حظر تجول وطوارئ.. تكبير»، «مرسي: أحيي السويس الباسلة وبورسعيد الصامدة، وهاقول لهم هانيمكوا من المغرب».