الجمعة 29 مارس 2024
رئيس مجلس الإدارة
هبة صادق
رئيس التحرير
احمد باشا

واحة الإبداع.. لو

واحة الإبداع.. لو
واحة الإبداع.. لو




اللوحات للفنان: الفنان جوستاف كليمت

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات  من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين.  إن كنت تمتلك موهبة الكتابة والإبداع.. شارك مع فريق  «روزاليوسف» فى تحرير هذه الصفحة  بإرسال  مشاركتك  من قصائد أو قصص قصيرة «على ألا تتعدى 055 كلمة» على الإيميل التالى:    

[email protected]


 

لو

كلمات
سامح لطف الله

لو حطِّيت الكُرْه قى كفة
وشوقى فى كفة تِطُبْ
لو نصَّبْت ميزان العدل ما بينَّا
كفِّة حُبَّك تطلب قُرْب
واشكى لقاضى الحب صدودك
بسمه يدوب تبعتها خدودك
نظرة بطرف الرمش تأخدني
لَفْتِة قَدّ تغوص فى القلب
بحر عنيكى وموجه الشط
كُحْل الرمش فى قلبى اتحطْ
حتى موبايلى فتح لِكْ خَطْ
تاه العقل ف بحر الحب
يمكن سحر يا ناس عاملاه؟
عاملة حِجَاب فى البيت رامياه؟
بتشبشبلى عشان أنساه؟
أنسى حياتى وأنسى الكرْب
إوعى تقوللى عقلك فين؟
إوعى تقول دا جفاه البين
يلَّه تعالى وخُدْ لَكْ عين
شوف بعيونى حلاوة القرب
عمرها يا ابنى ما كانت حرب
ولا كان بينَّا خناق أو ضرب
خمر شفايف شُرب فى شُرب
تسكر راسك يصحى القلب
لو حطِّيت الكُرْه قى كفة
وشوقى فى كفة تِطُبْ
لو نصَّبْت ميزان العدل ما بينَّا
كفِّة حُبَّك تطلب قُرْب