الجمعة 29 مارس 2024
رئيس مجلس الإدارة
هبة صادق
رئيس التحرير
احمد باشا

«السيسى» للمصريين:علاقتى بيكم أقوى من أى شائعات

«السيسى» للمصريين:علاقتى بيكم أقوى من أى شائعات
«السيسى» للمصريين:علاقتى بيكم أقوى من أى شائعات




قال الرئيس عبدالفتاح السيسى خلال كلمته بفعاليات الجلسة الثانية للمؤتمر الوطنى للشباب بدورته الثامنة، التى كانت بعنوان «تأثير نشر الأكاذيب على الدولة فى ضوء حروب الجيل الرابع»: «أنا كل مرة أستخير ربنا فى كل أمر قبل ما أتكلم فيه»، مضيفًا: «بالشائعات وتصديقها إنتوا بتهزوا علاقة اتشكلت فى سبع سنين»، متابعًا: «لما رحت الرئاسة قالولى تحب تتغدى إيه، وسألت ليه، قالولى لأن كل إللى فى الرئاسة بيتغدوا على حساب البلد بالقانون، ووالله والله والله قولتلهم لا أنا ولا إللى فى الرئاسة، وكل واحد ياكل على حسابه، ولو عايزين تسمعوا كلام من دا عشان ترجعوا تصدقوا تانى أسمعكم».
ووجه «السيسى» رسالة مؤثرة للشعب المصرى عبر فيها عن امتنانه بكسب ثقة المواطنين، قائلاً: «مصر بلد كبيرة بيكم وإللى بينى وبين الناس أقوى من أى شائعات مروجة وعلاقتى مع الناس اتبنت على الثقة والمصداقية»، مؤكدًا أن أجهزة الدولة طلبت منه عدم التطرق والرد على ترويج الأكاذيب والشائعات حول الدولة وجيشها، مضيفًا: «باسوا أيدى 10 أيام علشان متكلمش ولكن إللى بينى وبين الناس الثقة والشفافية والشعب المصرى مصدقنى».
وأكد الرئيس «أنت النهاردة جاى تضرب الصدق، إللى بقوله من غير أسماء فالطرح إللى بيطرح أو الموضوعات إللى بتطرح ممكن تكون حقيقة، صحيح لما يتقال إن حالة الوفاة فى أحداث القناة وبعدين اتأجلت 3 أيام لغاية لما نفتتح القناة، بقى الراجل ده يعمل فى أهل بيته كده نصدقه تانى؟.. الراجل ده عمل المدفن طب آه صحيح، طب على حساب مين؟.. الكلام ده بقوله: «الأجهزة قالتلى أبوس إيديك متقولوش.. ولكن علشان أريح كل مصرى ومصرية موجودة فى بيتهم، لا والله والله هذا كذب وافتراء.. كذب وافتراء».
وتابع السيسى: «لن يستطيع أحد أن يعتدى على مصر بشكل مباشر، لأسباب كثيرة من ضمنها أنها تملك الجيش الأقوى فى المنطقة، وأقيمت مشروعات بأكثر من 4 تريليونات جنيه»، مضيفًا: «أنا قولت الكلام ده وبكرره.. محدش يقدر يعتدى على مصر بشكل مباشر.. ليه؟؟ لأسباب كتير جدًا جدًا.. منها أن لديها جيش هو الأقوى فى المنطقة.. طب أعمل أيه طيب إحنا مخبيين كل حاجة.. إيه رأيكم بقى».
واستطرد الرئيس، قائلًا: «والله العظيم.. عشان الناس ما تعرفش ويقولك إحنا بنتباها ولا حاجة.. إحنا جيش قوى أوى.. أنت تنال منه بقى وتتكلم عليه والكل يدارى نفسه كده.. ده جيش وطنى شريف.. وأنا قولت مرة قبل كده جيش وطنى شريف صلب وصلابته نابعة من شرفه.. ده الجيش عمل مشروعات طرق أشرف عليها بـ175 مليار جنيه، ود. مصطفى مدبولى موجود يقولى طرق بس اتعملت فى كام سنة دول فى تاريخ مصر».
وشدد السيسى خلال حديثه: «مشروعات اتعملت بأكثر من 4 تريليونات جنيه.. جايين تشككوا فى ذمم الناس.. وإحنا معانا آلاف من المقاولين بتشتغل والشركات بتشتغل لها مليارات الجنيهات.. وكل الناس تتدارى الإعلام يتدارى والصحافة تدارى.. وكله طب هنعمل أيه بقى».