بنات × بنات

الراجل ده هيجننى
 
 
 
عالم البنات مليء بالأسرار ولا يعرف تفاصيله سواهن لذا قررنا منح هذه المساحة للبنات ليعبرن   فيها عن أنفسهن والحديث عن المشكلات والهموم والقضايا التى تشغل بالهن ويرفض المجتمع  فى  كثير  من  الأحيان  الاستماع  إليها. ويمكن التواصل والمشاركة فى هذا الباب عبر البريد  الإلكترونى:
 
 
 
  بحبك وبموت فيكى بس هتجوز عليكى ...اه والله زى ما العنوان بيقول كده شوفتوا ... بحبك وبموت فيكى ومقدرشى استغنى عنك يوم واحد واوعى عمرك تفكرى فالانفصال عنى انتى روحى وفكرى. انتى عارفة انا عمرى ماخونك ده احتقر نفسى لو عملت حاجة زى كده انا لو فى يوم فكرت فى حد غيرك هاجى اقولك انا عاوز اتجوز ويبقى فى الحلال قولتله انت بتفكر قالى لا طبعا انا بقول حتى لو شوفى لدرجة ايه الصراحة والثقة اللى بينا اساسا اللى بيتجوز فى الحلال احسن من اى حاجة تانية وقعد يدينى محاضرة طويلة ان ده شرع ربنا ويقولى انا مش بقول كده عشان نفسى انا بوضح فكره وبوضح انى هفضل طول عمرى صريح معاكى لو فى يوم فكرت مش هفكر غير بعد موافقتك قولتله مش هوافق وهطلق منك قالى لا مش هسمحلك قولتله يعنى ايه مش بمزاجك يقولى يا انتى وهى يا انتى وبس قولتله ده اختيارك انت مش انا قالى ازاى تقولى هطلق ده مكروه وابغض الحلال قولتله بس هو موجود عشان لو العيشة بقت مستحيلة وانا مستحيل اقبل بوضع زى ده يقولى اساسا انتى الاساس وانتى اللى عمرى ما استغنى عنك ده انا لوفكرت اتجوز هقعدها قدامك وهاقولها ان انتى الاساس وانها لازم تحترمك
 
 
 
اه يانا وبعدين يرجع يقول لو انامش بتكلم عن نفسى قولتله مالك بتتكلم عن الموضوع ده كتير ليه بعد ماكنت بتقول يبقى مجنون اللى يتجوز على مراته يجيب لنفسه وجع الدماغ يقولى طول عمرى بقول ده شرع ربنا انا بحبه وبغير عليه ياجماعة ومستحيل اتحمل لو ده حصل.
 
 
 
ده انا بقوله هو انت بتكلمنى كده ليه هو انا قصرت فى حاجة يقولى ده انتى روحى بس مش لازم الواحد يتجوز عشان مراته قصرت ممكن يبقى عاوز عزوة حواليه وتفضلى انتى الغالية بردو شوفتوا الوكسة
 
 
 
هى بقى ذكية جدا بتحاول تحسسه من بعيد لبعيد ان الوضع عادى وانها هتحبنى وتحترمنى لا كمان لو قالها انى تعبانة تقولوا لو كنت اقدر كنت جيت عملتلها كل شغل البيت دى اكتر من اختى وعلى طول تسال عليه وعلى ابننا لحد ما بدا يصدق ويقولى ان اللى متجوز اتنين بيعيشوا مع بعض حبايب وبيتفقوا عليه بساله واقوله انت مش عارف انها بتحبك يقولى الله اعلم بالقلوب.
 
 
 
ده الحوار اللى بيتقال بين اى اتنين يبدأ فيهم الراجل بجملة هتجوز عليكي... مش عارفة ليه بتنرفز أوى لما ألاقى واحد بيهزر مع مراته ويقولها « هتجوز عليكِ» – حتى لو من باب المشاكسة اللطيفة- والحقيقة إنها لا لطيفة ولا حاجة لأنها فيها قدر كبير من الاستخفاف بيها وبمشاعرها كأنثى- حتى لو مكنتش أنثى أوي- الحكاية فيها فعلا جرح، وإشارة لأنه ممكن يستغنى عنها وقت ما يحب وبالتالى فهيترسخ عندها شعور بأنها مجرد إكسسوار أو مرحلة وقتية:» طب ليه أتعب نفسى معاه طالما كده كده هيسيبني» !! قوووووم إييييييييه يكون الرد الطبيعى للحاجة الساقعة: «اوعى تفكر إنى هضايق لأنك سبتنى واتجوزت عليا... لا يا حبيبي، أبسلوتلي... أنا بس هيصعب علىَّ نفسى إنى استحملك فى فقرك وضنكك وأقساطك وجمعياتك عشان لما الدنيا تطرى شوية وتبتدى تندع تيجى واحدة تاخدك ع الساهل كده لا يا قطة ... اللى عوزاك تاخدك زى ما أخدتك مش لما تبتدى تندع تيجى بسلامتها تشاركنى فيك!! وبعدين اللى خدته القرعة تاخده أم الشعور، خيبة إيه دى».
 
 
 
ونقطة ومن أول السطر يفهم الزوج من الحوار اللطيف ده إنه لو نوى يتجوز عليها مش هتسيبه غير لما تفقره وبالتالى هيلم الموقف بكلمتين من مثيل:
 
 
 
- ده أنا بهزر معاك.
 
 
 
- ماتقوليش على نفسك قرعة
 
 
 
- إنت مبقتيش تقبلى هزارى ليه
 
 
 
وتنهى العلاقة بينهم ويمكن تتجمد لإن الاتنين جرحوا فى بعض بالفعل ونسوا السكن، المودة، التراحم.
 
 
 
كتبتها : دعاء عبدالله خريجة كلية الاعلام وحاصلة على عدة جوائز أدبية ولها العديد من المدونات
 
 
 
حقائب ربيع 2013
 
 
 
 
 
قدمت إحدى الماركات العالمية مجموعة حقائب ربيع وصيف 2013، بموديلات مبتكرة وأنيقة وألوان و تصاميم عبرت عن الفتاة المميزة و المختلفة.
 
 
 
يمكن تقديم هذه الحقائب هديةً لكل أم تعبيراً عن الحب والامتنان ، فيمكن حملها فى كل مكان، وهى من مجموعة الربيع الجديدة التى تأتى بألوانها الزاهية التى يطغى عليها اللون الأصفر الفاتح. كما انها تعكس الجمال الحقيقى للملابس.
 
 
 
تمتاز هذه الحقائب الراقية والأنيقة باللون المرجانى الزاهي، وبجمال تصميمها ما يجعلها حقيبة يجب اقتناؤها من مجموعة هذا الموسم.
 
 
 

 
البونشو التركى موضة المحجبات
 
 
قدمت إحدى الماركات التركية للمحجبات أحدث موديلات البونشو الأنيق لشتاء 2013، جاء البونشو بتصاميم متعددة و ألوان مميزة لإبراز أناقة و عصرية المرأة المحجبة فى مواكبة أحدث صيحات الموضة العالمية.
 
 
 
جاء البونشو بتصميم مستوحى من القفطان المغربى فى الأكمام الفضفاضة و حزام الخصر العريض، جاءت الموديلات متنوعة فبعضها بحزام عريض للخصر أو رباط من القطن من نفس لون و قماش البونشو أو كشكشة فى منطقة الخصر لإبراز رشاقة المرأة، فيما جاءت الألوان مبتكرة بين اللون الواحد كالأحمر والبيج والكحلى، أو اللونين كالأخضر والكحلى، البنى والبيج.