واحة الشعر

يسيل بجوار النيل فى بر مصر نهر آخر من الإبداع ... يشق مجراه عبر السنين والأجيال داخل نفوس المصريين ... فى سلسلة لم تنقطع ... وكأن كل جيل يودع سره بالآخر ... ناشرين السحر الحلال ... والحكمة فى أجمل أثوابها ... فى هذه الصفحة نجمع شذرت من هذا السحر ... للشعر ... سيد فنون القول ... الذى يجرى على ألسنة شابة موهوبة ... شاركت مع فريق «روزاليوسف» فى تحرير هذه الصفحة بمشاركاتها على
 
 
[email protected]
 
غريب
 
غريب الحس والكلمة ..
 
غريب الكون .. غريب الشكل والمضمون ..
 
يا شوق مدفون .. بيستنى اللقا يرجع ..
 
وتتلاقى ملامح ناس ..
 
فاتت جواها الف كلام .. بيتألم ..
 
وبيعلم على الصايمين عن .. الاحساس
 
....
 
غريب الخوف ..بيتمكن من الاموات؟!!
 
وبيسيب للحياة . . مسافات
 
نعيد الرحلة م الأول
 
ولو ف السكة .. هنطوّل
 
هنلقى للقا .. حكايات
....
 
غريب الحب يجمعنا
 
ونستنى الفراق اشارات
 
ولو ع القلب لا معنى
 
لسطر مقفل العبارات
 
وحلم يتيم بيوجعنا
 
وليه م الفرح .. يمنعنا ؟!!
 
ف ذكرُه بتعطل النبضات
 
....
 
غريبة الضحكة مرسومة
 
بشكل عجيب
 
بترسل للبكا صورة
 
ف حضن الغيب
 
وتحلف انها شارده
 
ومن غيرها القلوب بارده
 
تشكل ما الحياة ورده
 
وترسلها لأوفى قريب
 
شعر- شاهيناز فؤاد