الخميس 28 مارس 2024
رئيس مجلس الإدارة
هبة صادق
رئيس التحرير
احمد باشا

بندق: الداخلية هى «أس» الفساد عشان بيخدموا الرئيس وعشيرتهبندق: الداخلية هى «أس» الفساد عشان بيخدموا الرئيس وعشيرته





 
 
 
 
أبويا وأمى كانوا سماكين «بائعى سمك» ،وهما راجعين من الاسماعيلية طلع عليهم العربان «البدو» وسرقوهم وقتلوهم ،ومن يومها وانا فى الشارع مش لاقى اللقمة ، والحكومة «الداخلية» مبترحمناش وتقبض علينا لاننا نايمين فى الشارع وبتعاملنا على اننا حيوانات وبتضربنا ،عارف اخر مرة قبضوا علىَّ يا بيه الامناء ضربونى والظابط ضربنى بضهر المسدس على دماغى ، تلك هى كلمات بندق احمد فوزى الاولى ،والذى يبلغ عمره 16 عاما، وأكمل كنت عايش فى منطقة ترعة الجبل بمعصرة حلوان.. سألناه عن حياته فى الميدان ولماذا يقف فى مقدمة الصفوف المواجهة للداخلية فقال: انا جيت الميدان من سنتين وقت الثورة قعدت مع الثوار وعرفت ان مصر ديه تستاهل مننا كتير ولازم نطهرها من الفساد، وانا شايف ان الداخلية هى اس الفساد لانهم بيخدموا الرئيس وعشيرته وكمان هما مبيرحموش وكانوا بيفتروا علينا، عشان كده بضربهم، وفى نهاية كلامنا مع بندق قال: «والله لو جه رئيس غير مرسى يخدم البلد دى انا هابقى كويس».