محمود: جيكا .. جيكا يا ولد .. دمك حيحرر بلد

 
 
 
 
اسمى محمود أحمد راضى، من قرية الفواخير بمحافظة الفيوم، مش عارف عندى كام سنة، ابويا مريض، اشتغلت صبى نجار باب وشباك عشان اقدر اعالجه ، الاسطى بتاعى عبدالله سوسته شتمنى ومدنى على رجلى، فسيبت الشغل والفيوم كمان ونزلت على «مصر» عشان اشتغل بس ملقيتش ،وبنام على سلالم المترو وفى القطورات العطلانة.. سألناه عن سبب تواجده فى شارع قصر النيل بل فى مكان احداث العنف الدائرة بين الداخلية وعدد من الصبية، فرد علينا:انا عايز اسألك سؤال.. هما موتوا جيكا ليه (وهنا ردد ..جيكا جيكا يا ولد دمك حيحرر بلد)، وكمان بيعذبوا اطفال الشوارع اللى كل ذنبهم ان معندهمش بيت يناموا فيه ولا حد يعطف عليه، بتمسك العيل تموته من الضرب وتذل انفاسه.