إنقاذ بنى سويف: الإخوان تسعى لأن يصبح المرشد مرجعية الإسلام

اتهمت جبهة الإنقاذ ببنى سويف والتى تضم 23 حزبا وائتلافا ثوريا جماعة الإخوان المسلمين بالسعى لهدم الأزهر الشريف وطرح المرشد كمرجعية للإسلام السنى فى العالم.
 
جاء ذلك فى منشور قام عدد من شباب جبهة الإنقاذ بالمحافظة بتوزيعه على المواطنين فى قرى ومدن المحافظة يحمل عنوان «العقل والدين يارب» على المارة فى الشوارع والميادين وعلى السيارات جاء فيه: «أهلينا الشرفاء، اللى الغضب مليهم من الاعتداء على أزهرنا وكنيستنا انتوا عارفين ليه؟ فاكرين لما الشيخ الطيب وقف لهم لما عملوا عرضهم العسكرى فى جامعة الأزهر ودلوقتى مش عارفين يفوتوا منه توظيف الأموال اللى بيسموه «صكوك» ولما ينجحوا لا قدر الله فى هدم الأزهر تبقى مرجعية الإسلام السنى هى المرشد بتاع جماعتهم طيب والكنيسة عملتلهم أيه؟ مش دول المسيحيين اللى أدوا أصواتهم لشفيق وقالوا لا للدستور واتظاهروا قدام الرئاسة فى الاتحادية، خلاصته دول جماعة مش شايفين فى البلد ألا نفسهم وبيصفوا حساباتهم مع الكل اللى يكون عقبة فى طريقهم هو ده الاستبداد بعينه اللى الناس ثارت عليه مفيش طريق للخلاص ألا بالمقاومة السلمية لبناء مصر الوطنية المدنية الحديثة المستقلة.