ثوار الفوتوشوب يطالبون بالحرية لسيادة اللواء العادلى لإعادة الأمان

 

حالة هيستيرية انتابت نشطاء  مواقع التواصل الإجتماعى جراء خبر إخلاء سبيل الرئيس السابق محمد حسنى مبارك وتناوبوا اللوم على كونهم لم يصروا على مطالبهم بالمحاكمة العسكرية لكل أفراد النظام السابق فالبديل الطبيعى لتهاونهم هو جمعهم فى السجون ليعمروها بدلا من أن تترك خربة بعد أن يلحق به عز والعادلى.
ونشرت صفحة أنا إخوان رداً على الحكم أن محاكمة مبارك فى مصر ليست إلا قطعة حلوى قدّمت للثوار من قبل المجلس العسكرى حتّى يعودوا إلى بيوتهم وينسوا مطالبهم وأهداف ثورتهم.بينما الادلة كانت بأيديهم وتم طمسها بالتعاون مع الاخوان مقابل صعودهم للحكم. فليس من المعقول فى اى بلد بالعالم يقع اكثر من ٦ آلاف قتيل. وأكثر من ١٠ آلاف مصاب ولايقتص من احد على الاطلاق.. خلص الكلام.. شعب مغفل!
وعلق تامر سلامة بقوله: لما مبارك يبقى بالشعبية دى وناس كبيرة بتقول لو نزل انتخابات هنزحف وننتخبوا ولو نزل قدام أى حد من الاخوان مبارك هيكتسح يبقى فعلا كانت ثورة فوتو شوب الله يخرب بيت الإخوان اللى ضيعوا البلد.
وعقبت هبة حبيب قائلة: بمنطقية شديدة القضية من أول يوم ملهاش اى دليل يثبت ادانته ومكنش ينفع من الاول يتحاكم بالسبب ده ومنطقيا لما الظباط اللى ضربوا الرصاص فعلا اخدوا براءة هو يتحبس ازاى.
وقالت فرح نصر : انتظروا صورة للتاريخ فيها مرسى يصافح مبارك مع ابتسامة عريضة لزوم الصورة «وعفا الله عمّا سلف».. الثورة فوتوشوب.
وقال مايكل سمير: عارفين انا خايف من أن انصار مبارك ينزلوا الشارع والحوارى ويحاولوا يعملوا ثورة وساعتها الناس هتنزل معاهم بسبب ان الاسعار غليت والعيشة بقت امر بسبب مرسى اللى يحرقه بس كويس انهم ساكتين.. اللى جاى هنطالب بالحرية للواء الفاضل حبيب العادلى».