بنت مصر
روزاليوسف اليومية
دا بأف مين اللى يألس على بنت مصر بأنهى وش
النبى يجرى ويتليس ما طلع كلامه طظ فش
إنّه إنّه هى هى هى
شُغل البكش دهه يا أختى ما بقاش ينفعنا دلوقتى
دى المصرية كتر خيرها فى التربية سَبَقِت غيرها
يا سيدى أنت.
البنت تفضل محجوزة قال جوا بيتها يكون أظبط
لحد ما تبقى عروسة بدال ما تفضل تتنطط
العفو العفو يا سلام
يا سلام يا أخوانا دى العبرة ما هيش بجوة ولا برة
عمر الحرة ما تبقى عِرة عمر العرة ما تبقى حرة
يا سيدى أنت.
بردون يا فندى بالذمة إيه بس عيب المصرية
الدنية داقت بيك لما ما تخدشى غير أفرنجية
أفهم وأعقل يا أهبل
يا أهبل ليه غيرنا يفرقنا ما تخلى زيتنا فى دقيقنا
دى المصرية تبيض وشك الإفرنجية عينها لقرشك
يا سيدى أنت.
واللى ما تكتبشى وتقرا الدجالين قالعين عينها
وتَوْ ما تقع البقرة ما لحق ما تكتر سكاكينها
أخيه أخيه إتفوه.
إتفوه ع الجهل ميه إتفوه ياللا نكسر وراه شقفة
من تعلمنا أهلنا خايفة واقعين ليه من قعر القفة
يا سيدى أنت.
خليها دى حلجة فى ودنك من جبل ما تجرى الفاتحة
أول كلام تجوليه لأبنك وطنك ما فيش زيه دَحَه
م النيل إمبوه حِبّوه
حِبُّه يا نونو بالأكتر من بابا وماما والسكر
منه التِسه ومنه المما أوعى تنسى فرض الأمة
يا جدع أنت