شباب المتمردين والمتجردين والمتكحرتين «30 يونية لن ينساه التاريخ»

دشن النشطاء أول هاشتاج علي موقع التواصل الاجتماعي  فيس بوك  بعنوان « 30 يونيه تاريخ لن ينساه التاريخ»..وتناوب شباب الليبراليين والإخوان المسلمين الرد عليه متوعدين بيوم يحكي عنه التاريخ للأجيال المقبلة ومستعرضين أسباب النزول سواء «للمتمردين» أو «المتجردين» أو «المتكحرتين» فجاءت ردود الإخوان المسلمين تعدد بإنجازات مرسي التي  ينكرها النشطاء والثمن الذي ستدفعه مصر لقاء وعدهم بالتخريب والتدمير..الذي قابله النشطاء بالسخرية.

وتنوعت تعليقات الطرفين علي النحو التالي:
ثمن باهظ ينتظر مصر في 30 يونيه بسبب الشحن الفظيع من إعلام فاسد وفلول ولصوص ودول تكره لنا الخير رحمة بأرواح ودماء وأموال ومنشآت «اتقوا الله».
الخروج علي مرسي في 30 يونيه حرام شرعاً.. ومن يشارك كافر .. إنه حقاً شعب توقف عنده التاريخ.
يوم 30 يونيو سيكون يومًا فاصلاً في تاريخ مصر.. بين الفوضي والاستقرار..حتي وإن سالت دماء المجرمين والأبرياء.
حملة تكحرت في الوقت اللي    هما يتجردوا فيه ويتمردوا فيه إحنا حنتكحرت في الساحل الشمالي    وأما يخلصوا المدعكة بتاعتهم دي    نبقي نرجع لأشغالنا وحالنا ومحتالنا «شباب كيوت بيحب مصر».
قرار جمهوري بتخفيض شهر يونيه إلي  29 يوماً  كحد أقصي أسوة بشهر فبراير..وذلك ضمن خطة الرئيس للسيطرة ع مظاهرات 30-6 .
هيقولك انت ضد الإسلام تروح جايبله لينكات الشيخ حافظ سلامة و هو بيهاجم مرسي هيقولك كبر وخرف تروح جايبله لينكات اسلام الكتاتني بيهاجم الجماعة يقولك عيل مش عارف الصح فين والغلط فين تجيبله لينكات خالد علم الدين وهو بيفضح مرسي هيقولك سلفي حاقد عشان طلع من المولد بلا حمص، تجيبله لينكات يونس مخيون وهو بيتكلم عن ملف أخونة الدولة هيقولك ضغط سياسي منه، هتجيبله لينكات أبو الفتوح لما بيقول الرئيس يجب أن يحاسب بتهمة الفشل هيقولك أبو الفتوح واحد خمنا وعبده مشتاق، هتجيبله لينكات محمد حبيب بيهاجم الرئاسة وينتقدها هيقولك محروق من ساعة ما اتقلش من مكتب الإرشاد ماتجبلوش لينكات تاني. انت بس هات شوية برسيم وهو هيبقي تمام
وعلي صفحة بس ياسيدي وقمنا عاملين ثورة نشر أحد مؤسسيها أسبابه التهكمية لعدم النزول يوم 30يونيو قائلاً:
«أنا غيرت قراري و مش نازل يوم 30 يونيو بعد مشاهدتي لمؤتمر القوي المنتمية للتيار الديني.
* إن مرسي يملك الشرعية ولا أحد يستطيع نزعها
«الثورة»
* سقوط مرسي هيعمل فراغ دستوري ومين هيمسك مكانه..«مبارك والعسكر»
* مرسي جاء بانتخابات حرة نزيهة وتحت إشراف قضائي نزيه..«قضاء ونزيه»
* الحوار الوطني والتفاهم هو الحل والخروج من المأزق..» الحوار
* المشاركة لا المغالبة كانت منهج النظام الحاكم ولا إقصاء لاحد.. المشاركة
* بلغنا وجود خطط ومؤامرات تدبر لأحداث عنف وفوضي.. مؤامرات
* الصندوق غايتنا ومرسي زعيمنا والموت في سبيل الحكم اسمي امانينا..الصندوق
* ضد العنف وتظاهراتهم دايماً خالية من العنف والتخريب.. الطرف التالت
وحاجات تانية كتير أوي بصراحة خلتني اعيد تفكيري من أول وجديد و لأن الخطأ مش عيب ولكن العيب التمادي في الخطأ عشان كدا أنا مش هنزل يوم 30 ..أنا هحضرلكم الشنطة ونازل من دلوقتي يا ولاد الـ(......).