«الفيسبوكيين الحكماء»: اكشف عن صحة الصورة قبل نشرها

بعيدا عن حالة الجدل والتحليلات التى أخذ يطرحها كل طرف لإدانة الطرف الآخر دون تقديم حلول لمواجهة الأزمة والبدء فى مصالحة وطنية حقيقية قام عدد من شباب الفيس بوك - أيقونة الثورات العربية فى مواجهة حرب الشائعات ونبذ الآخر بنشر كلمات تحمل الكثير من الحكمة إلى جانب إرشادات لنبذ الفتنة بين صفوف المصريين.
 
كتب أحد الشباب على صفحته الخاصة (أوعى فى يوم تتريق على ملتحى والدقن عشان مختلف مع الإخوان والسلفيين «لإن اللحية سُنة النبى».. أوعى فى يوم تتريق على الحجاب أو النقاب لأن ده كان لبس زوجات النبى.. أوعى فى يوم دينك يهتز عشان مختلف مع تيار إسلامى فى السياسة).
 
كما تداول عدد من الشباب طرق لمواجهة الشائعات التى تكون من خلال نشر صور غير  حقيقية لأحداث فى دول أخرى مثلما فعل الإخوان المسلمين بنشر صور لقتلى من الأطفال على أنها من أحداث الحرس الجمهورى».. وكتبوا: قبل ما تعمل شير لصورة طفل مقتول أو جندى ذراعه مقطوعة.. الموضوع بسيط جدا عشان ما تعملش شير وأنت مش فاهم حاجة وتولعها زيادة» والخطوات للكشف عن صحة الصورة كالتالى:
 
1 - أعمل حفظ للصورة اللى عاوز تتأكد منها على جهازك.
 
2 - افتح جوجل واختار صور.
 
3 - هتلاقى أيقونة اسمها البحث بحسب الصور.
 
4 - دوس عليها واختار تحميل صورة.
 
5 - اختار الصورة اللى عملتها حفظ على جهازك.
 
وهو جوجل هيجبلك تاريخ الصورة منين وامتى.