الجمعة 29 مارس 2024
رئيس مجلس الإدارة
هبة صادق
رئيس التحرير
احمد باشا

الدنيا ربيع والجو بديع والسيسى «هيلم الجرابيع»






"ماحاجة السيسى وهو رجل أمن للتفويض من قبل الشعب  ليبر بقسمه لحماية الوطن وسلامة أراضيه؟".. السؤال الذى ردده النشطاء على مواقع التواصل الإجتماعى بعد أن هدأت فرحتهم  واستردت عقولهم لياقتها الجدلية عقب كلمة الفريق «عبد الفتاح السيسي» وزير الدفاع والإنتاج الحربى التى طالب خلالها تفويضاً من الشعب ليواجه الإرهاب واشتعلت صفحات الثوار على موقع التواصل الاجتماعى «تويتر»  بآراء الشباب بين مؤيد متحمس  لكلمة «السيسي»، أو معارض لفكرة إستخدام العنف  وإغراق البلاد فى بحور من دماء، وتنوعت ردود أفعال النشطاء  كل حسب انتمائه  كالتالى:
آه يا فندم  الجيش محتاج دعم شعبى  فى مواجهة قوه مسلحة منظمة داخليا بالنسبة للجيش اسمه تحرك عسكرى.
التحرك العسكرى لمواجهة قوة مسلحه داخلية (زى اعتصام النهضة كده فى قلب العاصمة) ده محتاج تفويض من مجلس الشعب وبما ان مافيش مجلس شعب فالحل هو التفويض الشعبي، لان التحرك العسكرى داخليا ممكن يقابل برد فعل دولى وتلاقى قوات من برة دخلت مصر بحجة حماية الشعب من الجيش، عشان كده الجيش محتاج دعم شعبى خصوصا بعد الرسائل الكتير اليوميه اللى بيبعتها الاخوان للغرب باسم الشعب.
الجيش مش مسئول عن تنفيذ قانون.. ولا حفظ السلم الداخلى . الا فى حالة التهديد لأمن الدولة من عدو داخلى منظم.. فى صورة الاعتداءات شبه العسكرية..
العدو الداخلى علشان الجيش يتحرك ضده.. دا اسمه عملية عسكرية.. والعمليات العسكرية على ارض الدولة.. لازم تاخد clearance من البرلمان.. زى ما الكونجرس كدا هو اللى بيوافق علشان الجيش الامريكى يعمل اى عملية على الارض فى الداخل دلوقتى معندناش برلمان يمثل الشعب.. عندنا الشعب نفسه.
يعنى..التفويض للتحرك عسكرياً ضد التحركات المسلحة داخليا فقط مش لابادة اى اعتصام سلمى الجيش مايقدرش يقرب من اى اعتصام سلمى حتى لو معاه تفويض عشان ده هيبقى اسمه جريمة حرب فهمت.. ولا لسه؟
تفجير القنابل هو تفجير سلمى..
قطع الطريق هو قطع سلمى..
تكفير المصريين هو تكفير سلمى..
حدف الأطفال من على الأسطح هو ألقاء سلمى..
 تعذيب المصريين هو تعذيب سلمى..
 ترويع سكان رابعة هو ترويع سلمى..
 تفجير خط الغاز هو تفجير سلمى..
ضرب أتوبيس العمال هو ضرب سلمى..
أقتحام التحرير هو أقتحام سلمى..
الاستيلاء على سيارات التليفزيون هو أستيلاء سلمى..
التحريض ضد المصريين هو تحريض سلمى..
حدثنى أكثر عن السلمية أيها الإخوانى..!!
الاخوان بتشبه السيسى بجمال عبدالناصر عشان تخوف الشعب ناسيه ان الشعب ناصرى بطبعه وان ناصر هو حبيب الملاييييين .