بن وقش
روزاليوسف اليومية
محمد عبدالرازق حسن
لما باحاول ارسم برة حدود الصفحة
سعات مقدرش
علشان مخلوق من دم ووش
احلامي ازاز من بن وقش
كلماتي بتكتبني تملي
تعملني قصايد ممنوعة
والكلمة فـ حلقي الموجوعة
معجونة سكات
ذرات من نفسي اللـ مش طاهرة
فـ قزايز سودا ومش ظاهرة
تتوزع لخلايق ياما
واتحول لمجرد ذكري
وفـ بكرة الرافض يدخلني
وعيون الناس الكرهاني
مش يمكن تفرج بأماني
وسمانا تمطر بأغاني
الحانها بعزوبة "خيرت "
الوانها نوارس فـ مواني
اوطاني وبتوضا بصوتها
تحلالي فـ ثورة وفـ سكوتها
واتمرجح فـ مشانق يمكن
مرجحتي تحرك دمعتها