من المصريين الي أوباما: اذهب انت ومعونتك إلي الجحيم.. خلعك علي ايدينا بعد القبض علي حجازي «اللي هيرش مرسي بالميه هيرشه بالصبغة»

أثار خبر القبض علي المرشد العام لجماعة الإخوان المسلمين حالة من الجدل الواسع بين النشطاء علي مواقع التواصل الاجتماعي حول صحة الخبر إلي أن جاءهم آخر قوة يؤكده وهو قطع أمريكا المعونة العسكرية مما جعلهم يدشنون حملة لمقاطعة المنتجات الأمريكية وأن يكونوا شغلهم الشاغل الأيام المقبلة السخرية من أوباما ومعونته وأعوانه من الإخوان وأعدوها هبة من الله تمنحهم مادة خصبة للكوميكس والنكات تكفي الأجيال المقبلة وكان من أبرز تعليقات النشطاء الآتي:

from the great people,go to hell with your aid ekhwan ma2taf bewdan
«من الشعب المصري العظيم اذهب للجحيم أنت ومعونتك».
«إخوان مقطف بودان».
«المصريون يحتلون صفحة أوباما والبيت الأبيض.. عاش يا رجالة».
«الكوميكسات من النهاردة هتشتغل علي أوباما.. خلاص جبرت يا اخوانا.. ربك يقطع من هنا ويوصل من هنا.. خلعك هيكون علي إيدينا يا أوباما!».
«لو حطيت نفسك في اختيار ما بين منتج أمريكي بتستعمله وبين حرية وكرامة بلدك.. الاختيار محسوم من غير تفكير مقاطعة منتجات أمريكا!».
«معونتكم.. علي الجزمة ما تلزمناش.. لكن تدخل عسكري.. هتدفنوا في أرض مصر ومالكوش دية!».
أما بخصوص القبض علي محمد بديع أطلق النشطاء النكات وبعضهم قام بتأليف أغان حصرية للمرشد علي هذا النحو:
«أدلع يا بديع يا أبو لاسة نايلون.. أدلع يا بديع زنزانتك نايلون.. عند بيت أم فاروق.. لقينا بديع قاعد مزنوق.. وأدي بديع قلع النقاب ولاسة لاسة نايلون.. عند بيت أم رءوف.. يسقط يسقط أي خروف.. قلنا خروف وطلع حلوف و لاسة لاسة نايلون»
«الدنيا ربيع و قفشنا بديع.. سلملي علي كل المقاطيع.. سلم - سلم - سلم - سلم..مفيناش تاني خروف اخواني اخوان ايه دول ناس جرابيع!».
«لظابط و هو بيحقق مع بديع : يعني ايه مرشد؟!
بديع: المرشد هو اللي بيقود الجماعة
الظابط بعد ما لسعه ع قفاه: قولتلي يعني ايه مرشد؟!
بديع: المرشد يا باشا هو اللي لما يتمسك يرشد عن باقي الجماعة».
«من جبروت محافظة المنوفية أنها خلت الإخوان يعلقوا علي محلاتهم صور السيسي علشان ماتتكسرش ‏الخوف وحش».
بعد القبض علي صفوت حجازي «اللي هيرش مرسي بالميه هيرشه بالصبغة».