رابعة والسيسى أبطال صور الزفاف وتقاليعها

كتبت - مروة مظلوم
رابعة مؤيد أو معارض لإعتصامات الإخوان  لاينكر أنها أحدثت إنقسام فى كل بيت مصرى.. وجدل لا نهاية له  بين الأصدقاء.. الأشقاء.. والأزواج.. وتسببت فى تدمير أسر عاند ربها فى الدفاع عن موقفه ونفذ صبره فجرى على لسانه يمين الطلاق.. ودارت محاولات لإصلاح ما تسبب به الإخوان من فرقة بين.. «الإخوان» على اختلاف تياراتهم وانتمائتهم السياسية.. كان آخرها تلك الصورة التى تداولها الشباب على مواقع التواصل الاجتماعى التى أثارت جدلا ساخراً.. حول صورة الزفاف التى ظهر فيها العروسين مع لافتات تعبر عن اختلاف انتمائتهم السياسية لافتة رابعة حملها العريس ولافتة السيسى رفعتها  العروس.. وتنوعت تعليقات النشطاء على الصورة كالتالى:
■ وحياتك أول ما يدخل من باب الشقة هيغنيلها تسلم الآيادى
■ ياختى الغباء اللى مالى وشه جاتك خيبة ده حيخلى ايامك سودة ده.
■ انا لو اللى هتخطبله اخوان وربنا ماهتجوزه اللى ملوش خير ف جيشه ملوش خير ف مراته.
■ من رأيى يزوجها السيسى وشاب المحترم يشوف له بنت محترمه
■  ومش عيب عليك يا بتاع رابعة سايب العروسة بشعرها
نريد مصر أفضل البنات عايزة تتجوز لذلك ترمى نفسها فى التهلكة ولكن فى أمل انها تجعله يعود الى العقل والايمان . البنات مش سهله
■ ممكن يطلقها فى الانتخابات
■ العريس ما يقصدش اشارة رابعة.. ده عدد أربعة فى أول يوم.. مش هأوضح أكتر من كدا. وهى بتقوله لو زعلتنى هاجيبلك السيسى
■ أنت جامد قوى.. أربعة فى أول يوم.
■ دى مقصود بيها اشارة تانية خالص بعيدة عن نظركم.. والحدق يفهم ليه مش العكس الاربعة هى والسيسى هو؟
■ زواج عتريس من فؤادة باطل
■ فوتو شوب. الاخوانى لايتزوج الا اخوانية مثله
■ لا دى فعلا مسكينة خالص أو متهورة مش عارف لكن عارف أنه هيولع فيها قدام و هيعزبها.