احتفالات إلكترونية بحل الجماعة «تسلم الأيادى.. يسلم قضاء بلادى»

كالعادة القى قرار اصدار الحكم القضائى بحل جماعة الاخوان المسلمين ومصادرة اموالها بظلاله على مواقع التواصل الاجتماعى التى امتلاءت بعبارات وصور التهنئة للاحتفال بالحكم الذى انتظره الكثيرون منذ اشهر طويلة فى محاولة لابعاد شر ومخططات الجماعة عن المشهد السياسى والاجتماعى ايضاً رغم ان البعض لا يعترف بهذا القرار ويعتبره أمر شكلى نظراً للتاريخ الاسود للجماعة التى احلت فى كافة العهود الرئاسية وكانت تعمل فى الخفاء دون توقف ولكن ذلك لم يمنع الشباب من الاحتفال على طريقتهم الالكترونية وتنوعت تعليقاتهم كالتالى :
■ حالو يا حالوا .. الاخوان اتحلوا..الف مبروك للشعب المصرى وتسلم الايادى تسلم يا قضاء بلادى
■ أخيرا.. ناس زى ديه ملهومش وجود فى مصر وبين المصريين وياريت كمان بقى حكم الاعدام ليهم كلهم
■ ياريت بالفلوس اللى اتصدرت يعوضوا الناس اللى محلاتهم وممتلكاتهم خربت من مؤيدى مرسى فى تظاهرتهم
■ بجد اللى أصدر الحكم دا راجل لا يخشى فى الحق لومة لائم..اللى عايز يستمتع بلعبة فنية فى الجون يقرا منطوق الحكم هيعرف ويفهم ده  مش مجرد تمزيق شهادة ميلاد دا حكم بالاعدام يتناسب ويتوازى وان كان لا يتساوى مع جرائم اخوان الشياطين.. حكم يجتث الشجرة الخبيثة من جذورها وفروعها كمان
■ خبر متوقع لكن الفرحة الكبيرة اوى لما يتم وضعها كمنظمة ارهابية وبكده تكون الضربة القاضية لأعداء الله ورفاق الشيطان.
■ زى الخفافيش بالظبط ماتعرفش تمص الدماء الا فى ظلام الليل ولاتعيش الا فى الكهوف
■ الحمدلله كل حاجة دمرتها اﻷخوان يتم تصليحها على الفلوس المسروقة من الشعب الغلبان
■ الحكم اول الطريق لمنع تفريخ الارهاب والفتنه