إبداع

وداعا أمير شعراء الفقراء
شعراؤنا شموس فى سماء الإبداع ينيرون لنا ببصيرتهم وبصرهم طريقنا ويخبرونا ما لم نخبره فيما فاتنا من أمورنا الحياتية فهم بمثابة توثيق وشهادة على عصرهم ونحن نخصص هذه المساحة من الإبداع للاحتفال بالشاعر الكبير الراحل أحمد فؤاد نجم (23 مايو 1929 - 3 ديسمبر 2013) أحد أهم شعراء العامية فى مصر وأحد ثوار الكلمة واسم بارز فى الفن والشعر العربى وبسبب ذلك سجن عدة مرات. يترافق اسم أحمد فؤاد نجم مع ملحن ومغن هو الشيخ إمام، حيث تتلازم أشعار نجم مع غناء إمام لتعبر عن روح الاحتجاج الجماهيرى الذى بدأ بعد نكسة 1967، فى عام 2007 اختارته المجموعة العربية فى صندوق مكافحة الفقر التابع للأم المتحدة سفيرا للفقراء.
 
ع المحطة
 

 ع المحطه ع المحطه واللى شفته ع المحطه
طلعت الخفه ام شنطه سلم الاتوبيس بنطه
حته ملعب والاكاده فى القوام والحسن بطه
هى خشت درجه اولى والكراسى بقت منطه
سابو تانيه وغلب تانيه والقطيع على اولى خطى
اللى يهبش فى الجونله واللى يعلى واللى يوطى
|بص واحد م اللى همه دمهم فلفل وشطه
شاف صنايعى فى البريمو قال له خش هناك ياسطى
ثانيه انسب للى زيك دى الحقيقه بلاش مغالطه
الاسطى قال له ياعم روق دى الحياه تحب المباسطه
وانت شايف مش مغمض حاجه ملبن حاجه قشطه
ولا يعنى الكون ح يخرب لو فقير يلهط له لهطه
الأولة بلدى

الأولة بلدي
والثانية بلدي
والثالثة بلدي
الأولة بلدى باسلطن جو موالى و دا الموصوف
والثانية بلدى باقول الكلمة بالعالى وع المكشوف
والثالثة بلدى ياكنزى و عزوتى و مالى وملو الشوف
الأولة بلدى باسلطن جو موالى ودا الموصوف
دوا العيــــــــــــــــــــان
والثانية بلدى باقول الكلمة بالعالى وع المكشوف
وف المليـــــــــــــــان
والثالثة بلدى ياكنزى وعزوتى ومالى وملو الشوف
آوانـــــــــــــــــــــك آن

تحدى الحد يا بلدى
ما بين الحق و البهتان
ورايتك تعلا يا بلدى
دليل عن صحة البنيان
ودا الموصوف
والاولة بلدى
والثانية بلدى
والثالثة بلدى
 
الخواجه الأمريكانى

الخواجه الامريكانى
والسماسرة اللى وراه
تخنوا بالكدب ودنه
وعرضوا له مقاس قفاه
فهموه
من غير ما يفهم
ان سوق الشرق مغنم
والخوجه بطبعه مغشم
والمصارى معفرتاه
حب يعمل فيها تاجر
وانطلق
يسلب وينهب
ف الزباين بالنهار
يحدف الدولار يلمه
تلتميت مليون دولار
بالقزايز والبنات
باللبان
والبمبونات
بالمدافع والدانات
او بأفلام الرعاة
قول بقى تاجر وفاجر
وانفلت لص المواشي
رعب ماشى فى البلاد
يشفط البترول ويطرش
كل الوان الفساد
عزرائيل من غير فرامل
يقلب العرسان ارامل
حتى فى بطون الحوامل
كان بيدبح الحياة
بالسناكى والخناجر
والنهايه يا خواجه
مش ف يوم كانت بدايه ؟
البدايه برضه لازم
ييجى يوم
توصل نهايه
مهما زاد الراسمال
الهلاك هو المآل
والتاريخ
هو اللى قال
لعبه الموت فى الحياة
تسحب الروح م الحناجر
اليويو
اليويو
 يا واد يا يويو
يا مبرراتى يا جبنة حادقة على فول حراتي
آستك لسانك
فارد ولامم
حسب الأبيح يا مهلباتي
يا واد يا يويو يا مهلبية
فوق الصواني
سايحة و طرية
فى كل جلسة تلبس قضية
وتخيل عليها أوى يا مشخصاتى
يا واد يا يويو يا مبرراتي
حسب الوظيفة وانت وشطارتك
تظهر حلاوتك
تظهر مرارتك
لو خفضوك ترتفع حرارتك
لو صعدوك حالا
تنقلب جيلاتي
يا واد يا يويو يا مبرراتى


وبالمناسبة

وانت اللى أدرى
كان لك تحفظ على المبادرة
ليه النهاردة
بترش بدرة
يا ابن الأبالسة
يا ملطفاتي
يا واد يا يويو يا مبرراتي
والنهاية
لك عندى كلمة
آخر طريقك زحل و ضلمة
حيث ان آخر القرع ضلمة
يا اما كفتة طرية
من عند العجاتي
يا واد يا يويو
يا مبرراتى
صرخة جيفارا

جيفارا مات
جيفارا مات
اخر خبر فى الراديوهات
وفى الكنايس
والجوامع
وفى الحواري
والشوارع
وع القهاوى وع البارات
جيفارا مات
واتمد حبل الدردشه
والتعليقات
مات المناضل المثال
ياميت خسارة على الرجال
مات الجدع فوق مدفعة جوه الغابات
جسد نضالة بمصرعه
ومن سكات
لا طبالين يفرقعوا
ولا اعلانات
ما رايكم دام عزكم
ياانتيكات
يا غرقانين فى المأكولات
والملبوسات
يا دافيانين
ومولعين الدفايات
يا محفلطين يا ملمعين
ياجيمسنات
( جمع لاسم جيمس بوند بالدارجة المصرية )
يا بتوع نضال اخر زمن
فى العوامات
ما رايكم دام عزكم
جيفارا مات
لاطنطنة
ولا شنشنه
ولا اعلامات واستعلامات
**
عينى عليه ساعه القضا
من غير رفاقه تودعه
يطلع انينه للفضا
يزعق
ولا مين يسمعه
يمكن صرخ من الالم
من لسعه النار ف الحشا
يمكن ضحك
او ابتسم
او ارتعش
او انتشى
يمكن لفظ اخر نفس
كلمه وادع
لجل الجياع
يمكن وصيه
للى حاضنين القضيه
فى الصراع
صور كتير
ملو الخيال
والف مليون احتمال
لكن
اكيد
اكيد
اكيد
ولاجدال
جيفارا مات
موتة رجال
ياشغالين ومحرومين
يا مسلسلين رجلين وراس
خلاص خلاص
مالكوش خلاص
غير بالبنادق والرصاص
دا منطق العصر السعيد
عصر الزنوج والامريكان
الكلمه للنار والحديد
والعدل اخرس او جبان
صرخه جيفار يا عبيد
فى اى موطن او مكان
مافيش بديل
مافيش مناص
يا تجهزوا جيش الخلاص
يا تقولوا على العالم خلاص
الملاح التائه

كل ما تهل البشاير
 كل ما تهل البشاير
من يناير كل عام
يدخل النور الزنازن
يطرد الخوف
والظلام
يا نسيم السجن ميل
ع الشجر وارمى السلام
زهر النوار
وعشش فى الزنازين .. الحمام
من سكون السجن
صوتى
نبض قلبى
من تابوتى
بيقولولك يا حبيبتى
كلمتى
من بطن حوتى
سلمى لى ع الحبايب
يا حبيبتى
سلمى لى
كل حب
وله نصيبه من سلامى
بلغى لي
احضنى العالم عشانى
بين عيونك
وابعتى لى
نظره
منها اشوف حبايبى
واشفى قلبى
واساليلى
كل عالم فى بلدنا
كل برج وكل مادنة
كل صاحب من صحابنا
كل عيل من ولادنا
حد فيهم شاف علامه
من علامات القيامة
قبل ما تهل البشاير
يوم تمنتاشر يناير
لما قامت مصر قومه
بعد ما ظنوها
نومه
تلعن الجوع والمذله
والمظالم
والحكومه ؟
سلمى لى ع الولاد السمر
خضر العمر
فى عموم الحواري
سلمى لى ع البنات
المخطوبين فى المهد
لسرير الجوارى
واساليلى بالعتاب
كل قارى فى الكتاب
حد فيهم
كان يصدق
بعد جهل
بعد موت
ان حس الشعب يسبق
واى صوت
هى دى مصر العظيمه
ياحبيبتي
هى مصر
اللى فضلتى ف هواها
عشنا
على الف قصر
هى دى يا عزة
مصر
كلب الست

فى الزمالك من سنين، وف حمى النيل العظيم،قصرمن عصر اليمين،
ملك وحده م الحريم،صيتها اعلى م الآذان، يسمعوه المسلمين
والتتر والتركمان، والهنود والمنبوذين.
ست فاقت ع الرجال فى المقام والاحترام
صيت وشهره وتل مال،يعنى فى غايه التمام،
قصره يعنى هيه كلمه، ليها كلمه ف الحكومه
بس ربك لجل حكمه قام حرمها م الأمومة
والأمومة طبع ثابت جوا حواء من زمان
تعمل ايه الست جابت فوكس رومى وله ودان
فوكس ده عبقال املتك عنده دسته خدامين
يعنى مش موجود فى عيلتك شخص زيه ياسماعين
واسماعين دا يبقى واحد م الجماعة التعبانين
اللى داخو فى المعاهد والمدارس من سنين
حب يعمل واد فكاكه ويمشى حبه فى الزمالك
والقيامة والفتاكة يرموا طبعا ع المهالك
عم سمعه من قيامته حب يعمل فيها فله
بعد ما الوظ بيجامته اشترى حته مجله
قول مشى يقرا ف حكاية من حكايات الغرام
واندماجه فى القرايه خلا مشيه مش تمام
ع اليمين يحدف بعيد خطوتين ويروح شمال
لمحه فوكس من الحديد قال دا صيد سهل وحلال
هوب نط ف كرشه دوغرى جاب بجامته لحد ديلها
اسماعيل بدال مايجرى قال يارجلى رجلى مالها
بص شاف الدم سايح من عاليها ومن واطيها
وياللى جاى وياللى رايح المجلة مش لاقيها
حبه واتلموا الظنايا اللى هما البوابين
والهكايه والروايه قال لهم دا كلب مين
كلب مين ماكلب ماكلب مينشى سمعه لبخ حبتين
قال له واحد منهم امشى الى جابك عنده مين
قال دا شارع يامواشى والجميع بيمر منه
اللى راكب واللى ماشى مستحيل نستغنى عنه
كلمه من دا وكلمه من دا ظاطو واترسمت فضيحه
قول نهايته والقصد من ده اسماعين اكل الطري