باكورة العلاقات المصرية - الروسية الثلج يغطى سانت كاترين والقاهرة

كتبت - مروة مظلوم

استيقظ المصريون على مشهد الثلج فى أحياء نائية فى العاصمة، التى قال خبراء الأرصاد إنها لم تشهد مثل هذه الموجة الباردة منذ 122 عاما. وتبادل الشباب صورا لشوارع غطتها الثلوج بسبب عاصفة «أليكسا»، القادمة من سيبيريا عبر أجواء أوروبا الشرقية. وهو مشهد ربما لم يره أى من المصريين الأحياء من قبل.. وهوما اعتبروه حدثًا جللاً يجب أن يتوقف الزمن أمامه ليتدارسوه .. والبعض اعتقد أنها باكورة  العلاقات المصرية - الروسية بتصدير الثلج إلى مصر .. والبعض الآخر اعتبره تفرقة طبقية عنصرية بهطول الثلج على مناطق بعينها فى القاهرة الجديدة  وما بين ساخر ومحلل كانت تعليقاتهم على النحو التالى :


* صور التلج فى مدينتى مغرقة الصحف الأجنبية! أهو دلوقت العالم كله يفتكر إن مصر كلها شبه مدينتى كده شوارع مسفلتة وشجر وباركينج للعربيات.
* بس التلج ده طلع برجوازى اوى ينزل ف الرحاب و مدينتى بس .. اين العدالة اﻻجتماعية اللى كلكم بتتكلموا عليها .. عاوزين نصيبنا من التلج.
* حد يتصل بالمطار يا جدعان يشوف افواج الروسيات مجوش ليه بعد التلج زى ما بوتين وعدنا . ولا الظروف الجوية معطلة الطيارات؟
* التلج نزل عندنا زى أوروبا بعد 122 سنة.. هانت كلها 122 سنة كمان والستات تحلو.
* يا جماعة اللى سرق الشمس يطلعها دى لسه عليها اقساط.
* جابر القرموطى كان طالع ببطانية نمر يا بطاطينك يا جابر .. ربنا يستر على العكش وميطلعش يولع خشب فى الاستديو ويحرق نفسه غبى ويعملها!
* لازم برده ماننساش دور الأم فى التلج ده .. بتعمل اكل وتغسل وتنضف وتفتح عليك الشباك وانت نايم وتديك بالجزمة وما بتقصرش خالص .. ادعوا لامهاتكم.
* يا بخت الناس اللى مع مرسى فى الزنزانة دلوقتى تلاقيه بيفقعهم خطاب الشرعية وقاعدين يضحكوا ومهيصين والناس بتكح تلج فى البرد ده!
* مكنتش عاوز اكتبها بس علشان اريح ضميرى القادم أسوأ يوم الاحد هتشوفوا التلج بجد ياريت محدش يطلع يوميها.
الصبح هتوصل 5 وباليل الله اعلم هيكون حد عايش علشان يعرف كام.. بتوع بحرى كل واحد يكتب وصيته قبل ما يجى الاحد
استرها يا رب.. العاصفه التلجية جيه من روسيا محملة.
وعلى بقعة من الثلج كتب أنصار الرئيس السابق شعار «مهما تتلج مهما تمطر.. يسقط يسقط حكم العسكر» ، وهو الشعار الذى فرضته حالة الطقس. وبدا أن خصما جديدا أضيف لأنصار الإخوان، الذين أصروا على تنظيم فعالياتهم الاحتجاجية فى عدة مدن. وفشلت السلطات الحالية فى احتواء غضب متصاعد فى الجامعات، وهو ما حدا بجماعة الإخوان للتظاهر أمس تحت شعار « الطلاب يشعلون الثورة»، لكن برودة الطقس خففت من الأجواء السياسية الساخنة التى عاشتها القاهرة خلال الأسبوع الماضي، بسبب مواجهات عنيفة بين طلاب جامعتى الأزهر والقاهرة.