الجمعة 29 مارس 2024
رئيس مجلس الإدارة
هبة صادق
رئيس التحرير
احمد باشا

ابداع




 فى عيد الجلاء
شعراؤنا شموس فى سماء الإبداع ينيرون لنا ببصيرتهم وبصرهم طريقنا ويخبرونا ما لم نخبره فيما فاتنا من أمورنا الحياتية فهم بمثابة توثيق وشهادة على عصرهم ونحن نخصص هذه المساحة من الإبداع بنشر عدد من القصائد احتفالا بعيد الجلاء والذى نحتفل به فى يوم 23 ديسمبر كل عام، بعد أن قدم الشعب المصرى العديد من التضحيات فى وجه المعتدين على الوطن، وأثبتوا للعالم مقدار بسالة وكفاح الشعب المصري. 
يصاحب القصائد لوحات للفنان المصرى الحسين فوزى وهو من الشخصيات البارزة فى تاريخ الفن المصرى والرسوم الصحفية، تتميز لوحاته بالإتقان الكامل فى الشكل والتقنية والجودة العالية والتأثر الشديد بالواقعية.
 
 
 
 
 

 
 
حكاية شعب
 
قولنا هنبنى وادى احنا بنينا السد العالى
يا استعمار بنيناه بأدينا السد العالى
قولنا هنبنى وادى احنا بنينا السد العالى
يا استعمار بنيناه بأدينا السد العالى
من اموالنا بايد عمالنا
من اموالنا بايد عمالنا
هى الكلمه وادى احنا بنينا
قولنا هنبنى وادى احنا بنينا السد العالى
يا ستعمار بنيناه بايدينا السد العالى
تسمحولى بكلمه (ايه)
الحكايه مش حكايه السد
حكايه الكفاح اللى ورا السد
حكايتنا احنا حكايه
شعب للزحف المقدس قام وثار
شعب زاحف خطوته تولع شرار
شعب كافح وانكتبله الانتصار
تسمعوا الحكايه؟؟
بس قولها من البدايه
هى حكايه حرب وتار
بينا وبين الاستعمار
فاكريين لما الشعب اتغرب
جوه فبلده
اه فاكريين
والمحتل الغاصب ينعم
فيها لوحده
مش ناسيين
والمشانق للى رايح واللى جاى
ودم احرارنا اللى راحوا فى دنشواى
من هنا كانت البدايه
وابتدى الشعب الحكايه
كان كفاحنا
بنار جراحنا
يكتبه دم الضحايا
وانتصارنا انتصرنا انتصرنا
انتصارنا يوم ما هب الجيش وثار
يوم ما اشعلنا ثوره له ونار
يوم ما اخرجنا الفساد
يوم ما حررننا البلاد
يوم ما حققنا الجلاء
انتصرنا انتصرنا انتصرنا
رجعت الارض الحبيبه الطيبه
لايدين صحابها
التقينا العز فيها والكنوز
تايها فى ترابها
قولنا نلحق نبنى مستقبلها
ونرجع شببها
نعمل ايه
كان طبيعى نبص للنيل
اللى ارواحنا فى ايده
مايته فى البحر ضايعه
والصحارى فى شوق اليه
قولنا نبنى سد عالى سد
عالى سد عالى
بص الاستعمار صعب حالنا عليه
ليه نرجع مجدنا ونعيده ليه
راح على البنك اللى بساعد ويدى
قاله حاسب قالنا ملكمش عندى
قولنا ايه
كانت الصرخه القويه
فى الميدان فى اسكندريه
صرخه اطلقها جمال
واحنا اممنا القنال
ضربه كانت من معلم
خلى الاستعمار يسلم
والحصار الاقتصادى
جاب سلاحه طيارته
غوصاته دباباته
واعتدى علشان نسلم
هو مين لاء ده بعده
هو مين لاء ده بعده
كنا نار اكلت جيوشهم
نار تقول هل من مزيد
وانتصرنا ولسه عارهم ذكرى
فى تراب بورسعيد
والعروبه فكل دار وقفت معانا
والشعوب الحره جت عاللى عدانا
وانتصرنا انتصرنا انتصرنا
ادى حكايه الشعب
شعب للزحف المقدس قام وثار
شعب زاحف خطوته تولع شرار
شعب حققله جمال الانتصار
قولنا هنبنى وادى احنا بنينا
السد العالى
يا استعمار بنيناه بايدينا
السد العالى
 
كلمات - أحمد شفيق كامل
 
 
 
 
مصر التى فى خاطرى
 
مصر التى فى خاطرى وفى فمي
أحبها من كل روحى ودمي
ياليت كل مؤمن بعزها
يحبها حبى لها
بنى الحمى والوطن من منكم يحبها مثلى أنا
نحبها من روحنا
ونفتديها بالعزيز الأكرم
من عمرنا وجهدنا
عيشوا كراما تحت ظل العلم
تحيا لنا عزيزة فى الأمم
أحبها لظلها الظليل
بين المروج الخضر والنخيل
نباتها ما اينعه مفضضا مذهبا
ونيلها ما أبدعه يختال ما بين الربى
بنى الحمى والوطن من منكم يحبها مثلى أنا
نحبها من روحنا
ونفتديها بالعزيز الأكرم
من قوتنا ورزقنا
لا تبخلوا بمائها على ظمي
واطعموا من خيرها كلّّ فم ِ
أحبها للموقف الجليل
من شعبها وجيشها النبيل
دعا إلى حق الحياة لكل من فى أرضها
وثار فى وجه الطغاة مناديا بحقها
وقال فى تاريخه المجيد
يا دولة الظلم انمحى وبيدي
بنى الحمى والوطن من منكم يحبها مثلى أنا
نحبها من روحنا
ونفتديها بالعزيز الأكرم ِ
من صبرنا وعزمنا
صونوا حماها وانصروا من يحتمي
ودافعوا عنها تعش وتسلمِ ِ
يا مصر يا مهد الرخاء
يا منزل الروح الأمين
أنا على عهد الوفاء
فى نصرة الحق المبين
 
كلمات – أحمد رامى
 
 
 

 
 
 
 
أنشودة الجلاء
 
يامصر إن الحق جاء فاستقبلى فجر الرجاء
اليوم قد تم الجلاء ونلت غايات المني
الأرض هذى أرضنا طابت ظلالًا وجني
نحن الآلى نحمى الديار نحن الالى نرعى الجوار
كل من عادى وجار ذاق الردى من بأسنا
عشنا على يرق الوعود حتى انقضت تلك العهود
هيا احرسوا حدودنا بالزاحفات فى السهول والضباب
وطوقوا بحارنا بالسابحات فوق اعطاف العباب
مرت بنا تلك السنون بين الأمانى والظنون
حتى انجلى صبح اليقين ومصر قرت أعينا
نسأل المولى لها نصرًا على طول المدي
 
كلمات - أحمد رامى 

 

 
صوت السلام
 
صوت السلام هو اللى ساد واللى حكم
على الدخيل اللى انتحر واللى اتهزم
عدونا لما اعتدى قدمنا أرواحنا فدا
واستعجبت من بأسنا كل الأمم
تلات أمم يا بورسعيد متقدمة
بدببات وطيارات تملى السما
تلات أمم الأولة داخلة البلاد مستعمرة
والثانية بعد الإنكسار متجبرة
والثالثة على العرب متأجرة
هدموا البيوت قتلوا النفوس
وإنما إحنا هزمنا عزهم فى الشرق كله ومجدهم
ثلاث أمم جايبة العتاد وكلهم متقدموش من
بورسعيد ولا قدم
 
كلمات- بيرم التونسى
 
 
 
دع سمائى
دع سمائى فسمائى محرقه
دع قنالى فمياهى مغرقه
واحذر الارض فارضى صاعقه
هذه ارضى انا
وابى ضحى هنا
وابى قال لنا
مزقوا اعداءنا
دع سمائى فسمائى محرقه
دع قنالى فمياهى مغرقه
واحذر الارض فارضى صاعقه
انا شعب وفدائى وثورة
ودم يصنع للانسان فجره
ترتوى ارضى به من كل قطره
وستبقى مصر حرة
دع سمائى فسمائى محرقه
دع قنالى فمياهى مغرقه
واحذر الارض فارضى صاعقه
انا عملاق قواه كل ثائر
فى فلسطين وفى ارض الجزائر
والملايو وشعوب كالبشائر
تنبت الازهار من بين المجازر
دع سمائى فسمائى محرقه
دع قنالى فمياهى مغرقه
واحذر الارض فارضى صاعقه
 
كلمات - محمود حسن إسماعيل
 

 

 
يا مصر
يا مصر تم الهنا بهمة الأحرار
و بعد سبعين سنة الليل طلع له نهار
ياما صبرنا سنين ياما وياما طال الليل بينا
راح الظلام والنور جانا ... يا رب نوَّر ليالينا
واكتب لنا ألف سلامة فى كل خطوة ف خطاوينا
بقالنا دلوقتى كرامة ... أحرار بنحكم أراضينا
كان الفساد من حوالينا بيشغل البال الخالى
ولما فاض الكيل بينا ضحينا للمجد العالى
دموع تصحيها عينينا ودموع تنيمها ليالى
يا رب طمن أمانينا وانصر لنا الوطن الغالى
نعيش فى مصر لوحدينا وجيشنا يحرس أبوابها
شبابه يهزم أعادينا وقوة الدنيا شبابها
والمجد تبنيه أيادينا وتبقى مصر لأصحابها
يا ابن بلدى يا بلدينا اخلص لمصر وأحبابها
 
كلمات - عبدالمنعم السباعى
 
 
 
والله زمان يا سلاحى
 
والله زمان يا سلاحى اشتقت لك فى كفاحى
انطق وقول أنا صاحى يا حرب والله زمان
والله زمان ع الجنود زاحفة بترعد رعود
حالفة تروح لم تعود إلا بنصر الزمان
هموا وضموا الصفوف شيلوا الحياة ع الكفوف
ياما العدو راح يشوف منكم فى نار الميدان
يا مجدنا يا مجدنا يا اللى اتبنيت عندنا
بشقانا وكدنا عمرك ما تبقى هوان
مصر الحرة مين يحميها نحميها بسلاحنا
أرض الثورة مين يفديها نفديها بأرواحنا
الشعب بيزحف زى النور الشعب جبال الشعب بحور
بركان غضب بركان بيفور زلزال بيشق لهم فى قبور
 
كلمات - صلاح جاهين