المصريون يودعون أحداث 2013 بالسخرية

الشعب المصرى معروف بخفة دمه وانه ابن نكتة حتى فى ظل الظروف اللى بنعشها مايقدرش يتخلى عن قفشاته وبالرغم من أن 2013 لم يكن عاماً سعيداً على المصريين إلا أنهم تغلبوا عليه وعلى أحداثه الخزينة بالسخرية والنكات وخفة دمهم.
مره واحد مصرى لقى المصباح السحرى
قام دعكه الجنى طلعله
- الجنى : شبيك لبيك..
- عاوز أبقى رئيس جمهورية.
-انت مصرى ياكابتن ؟
-آه.
- اشترى منى وخليك وزير دفاع أحسن.
ناشط سياسى راح يخطب واحده ابوها بيساله انت بتشتغل ايه قاله انا كنت بشتغل نفسى وبشتغل الناس دلوقتى بشتغلك وبكرة هشتغل بنتك
الشيخ الفتاى قال فتوى جديدة تنص على الآتى: إذا رأيت رئيس جمهورية فى موقف مخلّ مع دولته فلا تتسرع بالحكم عليه؛ وخد الدولة على جنب ولو طلعت موافقة على اللى بيحصل فيها، فليس على الرئيس شئ... واستند فضيلة الشيخ فى فتواه على القول «مادام الدولة راضية والريس راضى، ايه دخلك انته يا قاضى» والله الموفق والمستعان
كنت من كام يوم فى مولد سيدى العريان.
المهم رحت عند المقام المبروك و قولت « النت يا مولانا مطلع عين اهلى بطئ موت وكل شوية بيفصل بركاتك يا مولانا اعمل ايه؟!!
واذ بصوت منادى ينادينى ويقول «اقفل الراوتر وشغلة تانى!»
حينها ادركت ان سيدى العريان يعمل فى خدمة عملاء Link DSL
من مميزات العائلة المصرية.
البنت المصرية. تحب شاب شهر ويسيبها تسمع اغانى حزينة لمدة 4 سنين وتتصل بأسامة منير تشيكله حالها
الابن المصرى. يحب واحدة و11 احتياطى
الاب المصرى. يقول لابنو قول الحقيقة ومش هكلمك ولما الواد يقولوا الحقيقة يعلقة فى المروحة
الأم المصرية. تقول لبنتها أنا نازلة (دقيقة واحدة) عند الجيران بس قلبى الاكل ع النار كل (ربع ساعة) لحد ماجي
ربنا يهديهم بيوت فرنسا دول هيتعلمو منا امتى.