نشطاء الـ«فيس بوك»: ركبوا فى الأتوبيس الـ «Wi Fi» عقبال الكراسى

أثار إعلان محافظ القاهرة عن تشغيل 24 «مينى باص ذكى» مزود بخدمة الإنترنت Wi Fi، فى خطة إحلال وتجديد على مستوى باصات النقل الجماعى بالقاهرة، اجتاحت شبكات التواصل الاجتماعى موجة من التعليقات الساخرة من قبل النشطاء.
وظهر فى البداية أن البعض غير مستوعب للخبر ولا يؤمن بصحته، ولكن التصريحات الرسمية التى أطلقت جعلت الجميع يتأكد مما جرى، وهو ما جعلهم يؤكدون أن المصريين لن يفارقوا الحافلات فى الفترة المقبلة من أجل استخدام الإنترنت، وأشار بعضهم الى أن هناك أشياء مهمة أكثر فى هذه الفترة يجب القيام بها.
 وتنوعت تعليقات النشطاء على النحو التالى:
■ «تعليقى على خبر واى فاى فى 24 مينى باص فى دولة 60% تحت خط الفقر، هو كالذى يشترى كماليات سيارة وهو لم يشترها اصلا».
■ «8 مليون جنيه لتركيب wifi فى 24 مينى باص ! ألم يقل لهم أحد أن معظم الذين ييركبون مينى باص لم يدخلوا على النت!».
■ «الـ24 مينى باص كلها على خط شبرا المطار! اذا لن تخاف أن ينقطع الارسال خلال ارسالك للتغريدة وانت خالع من البلد!»
■ الاتوبيس ده بقى فى القاهرة خلاص .. الاتوبيس فيه واى فاى والباسورد هيبقى على التذكرة ايوه  بقى وصلنا للعالمية يا سادة محدش هينزل من الاتوبيس بعد كده.
عالمية ايه يا عم ده الناس مش لاقية تاكل وبياكلو من الزبالة ده احنا دولة عالم عاشر مش ثالث ورايحين يعملوا اتوبيس فيه واى فاى وربنا بلد مسخرة هم يضحك وهم يبكى.
■ مش لما نلاقى كراسى نقعد عليها فى الاول.
■ يا جماعة الكلام ده معمول لأصحاب العربيات عشان يسيبوا العربيات ويركبوها والتذكرة حتكون غالية شوية .. كل دة عشان يخفوا الضغط على المرور .. يعنى مش للعامة فخمتوا؟؟ .. يلا عقبال ما تبقى عندنا فى اليكس عشان بجد قرفت من المرور عندنا أركن العربية وأركبها أفضل.
■ السيدة عايشة عدت يالى ساحب الداونلود لحسابك
■ خلينا نادى أوروبى يتعلم لهجتنا فى « مصنع الكراسى « ولم نترك شيئا إلا وسخرنا منه « ألشاً»، حتى هذا المشروع نحن شعب ليس بالمتدين بطبعه ولا اليائس بصفته بل نحن شعب يضحك على حاله ليرثى نفسه من ماله شعب رهيب أفتخر إنى منه.