واحة الشعر

يسيل بجوار النيل فى بر مصر نهر آخر من الإبداع.. يشق مجراه عبر السنين والأجيال داخل نفوس المصريين.. فى سلسلة لم تنقطع.. وكأن كل جيل يودع سره بالآخر.. ناشرين السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. للشعر.. سيد فنون القول.. الذى يجرى على ألسنة شابة موهوبة..

 شارك مع فريق «روزاليوسف» فى تحرير هذه الصفحة بمشاركتك على  [email protected]
رسوم : مجدى الكفراوى
 

تروح ولابتجيش

طب هوه فين ؟
سابنى لمين
عمال اعد ايام كتير
نفسى اطير
وعنيا دايما ع الطريق
متشتتين
بتبص للرايحين
وتبص للراجعين
طب مش هاييجى الضهر
 بعد المدرسه
يقعد على الطبليه ويوكلنى
تانى من  ايديه ؟
ايوه داهايغطينى ساعة الفجر
ويبوس العنين النعسانين
لا الضهر ولا بعد العشا
طب هوه سافر مصر
هاييجى بعد العصر
الجمعه جات
فين الحاجات ؟
بقى اهون عليك
تقعد داكله
ماانتش عارفنى
انى انا بدور عليك
تيجى تاخدنى
كل العيال اهى
فى ايديها الاحصنه
وماسكين فى ايدين
وانا ايدينى مشتاقين
فى رمضان هاتيجى اكيد
وتغسل وشى وتاخدنى معاك
والعب هناك فى المادنه
وانت بتصلى وانا اقعد وراك
فى العيد هاروح برضك معاك
وتصلى واستناك
ينفع كده ؟
فى العيد كمان ماتجيش
طب اروح لمين
وامسك فى ايديه
طب مين يدخلنى فى عنيه
ويشيلنى على كتفه اليمين
وانا اهز فى الرجلين فوقيه
قربت اخاصمك لو ماجتش
وابكى بطول الليل ماانمش
ليه كل مااجى اسأل عليك
ماالقاش جواب
ياه ياسلام
لو تيجى تمسح دمعهم
ويبوسوا بالفرحه ايديك
هنا كل شىء بيسأل عليك
النخله والطبليه
والمصطبه الشرقيه
ماسك الحصيره فى يدى مستنيك
والكلب هوهو فى نص الليل صحيت
وقمت اطل عليك
 مافيش
كدهو انا مش هاقدر اعيش
عمرك ماكنت كده ياغالى
تروح ولا بتجيش
تروح ولا بتجيش .
شعر: محمد عبد القوى حسن           


مسكينٌ أنت بلا ليلٍ
 

يتثاءب ظلى فى عينيكَ
أغض الروح وأمضى أبحث عن وطنى
بالأمس تيمم عند البحر ...
ويمم شطر نهايتهِ..
الموج مواسم لا تخفى
أسرار الريح عن الشطآنِ
وأنت رياحكَ غاضبةٌ...
لا سر ينام على فمها
لا تتقن رشوة موسمها
أنت المسجونُ وتُمْسِكُ فى يدك المفتاحُ
وترفض حتى إخبارى بالشفرة كى أعدو وحدي
فتحمل وحدك إخراجى
من متن القلب إلى الهامشْ
واحذر إن مِتَّ وإن طَرُفَتْ
عيناك عن الظل الطائشْ
مسكينٌ أنت بلا ليلٍ
ونهارك نام على كتفى.
شعر : سناء مصطفى         
 

ما أجهلك
 

 قُل بأنَّ الندى النائمُ
فوقَ رصيفِ المحطةٍ
كان ساهراً طوال الليلِ
يغسلهُ لكي يستقبلك
و قُل بأن الهواء
الذي طوَّح رابطةَ عنقكَ
حينَ غادرك القطارُ
لم يكن يقصد
إلا أن يرفع يديهِ بالتحية
و يفتح أحضان الريح
لكي يستقبلك
و قُل بأن العصافيرُ
كانت صامتةٌ
كي تطرب بوقعِ خطواتكَ
علىَ الطريقِ الذي
تركهُ المارةُ
كي لا يُزاحمكَ أحد
أو يزعجكَ ضجيجُ الباعة
و هديرُ السيارات
حين تصطفُ أمام المحطةِ
لكي تستقبلك
قل أي شيء يؤنس وحشتك
لكن لا
لا تقُل أبداً
بأن المدينة باتت خاويةٌ
مما يصنعُ الحياة
مما يثير دهشتك
ما أجهلك
ما أجهلك .        
شعر : وائل العشرى


أربع قصايد

(1)
أبوس إيدك...
ما تنسيش إننا ولادك شواشى الطين
تقاوى الصمت والصبّار
وثوّار الزتون والتين
وضحكة بنت بتحاول
تجيب للصبح عود ياسمين
وعيّل قلبه بيجرّب
يوزّع روحه ع الشطّين
وأُم بتبدر الأحلام
وأبّ بيتزرع قيراطين
وأنا وبطرس نسيج واحد
وريد مفتوح على القلبين
بنشرب شهد نيل واحد
ونعطش لو شربنا نيلين
أنا وبطرس خلاص واحد
وضمّة أمّ مش أُمّين
طابور الصبح صوت واحد
وأوّل حصّه حصّة دين
تراب الأرض مش جاحد
وقولى لناسك التانيين
أنا وبطرس بدن واحد
ومش ممكن نكون اتنين .
(2)
يا موت
يا فارد جبّتك فوق الجميع
يا أيّها الرعب المطيع
يا مبعتر الناس ع الطرق
وموزع الخوف ع القطيع
لسّه الأمل فى القلب مزروع بالأمل
لسّه الربيع فى الأرض بيخلّف ربيع
لسّه اللى بيحب الحياه
رافضك ومش عايز يبيع
يا أيّها الرعب المطيع
لملم جنودك واعترف
إنك فى عزّ الخوف وضيع
وإن اللى بيحب الحياة
رافضك ومش عايز يبيع .
(3)
وردِك حزين
وشهيدك النعسان على كتفك حزين
النيل حزين
والفل فى عيون اللى بيحبك حزين
الطين حزين
والأخضر/ اليابس حزين
الحزن خيّم جوّا ناسك أجمعين
طب مين هيكتب لك نشيد الفرح
والكدابين طالعين يلمّوا الطرْح.
(4)
مستنى روحك بريد
ليه البريد ما وصلش
فَصلت قلوب السكك
وأنا قلبى ناى ما فصلش
يا مسكنانى الوجع
ومشربانى النور
رقصت فى قلبى الطيور
والقلب ما اتنصّلش
أنا و»انتي» صوت الطبيعه
وشهقة المحاياه
أنا و»انتي» صرخة حياه
أنا و»انتي» ..
شيء ما حصلش .
سعيد حامد شحاتة

 
بخلتْ علىَّ


نـَامَتْ
وقلبى بالغرام وسادة
وعيونيَ الولهى تحدق ساهمةْ
بالله
يا حُسْنَ الجمال وسحرَهُ
كيف اصطفيتَ صفاء بدر حالمةْ ؟!
يا نومُ
بلِّغْها اشتياق مسهَّدٍ
يدعو الإله تنام عينك سالمةْ
جَـمَـعَـتْ
جمالَ الكون فيها وَحْدَهَا
عذرًا لكُنَّ يا نِسَا ، هيَ ظالمةْ
مَا بَالـُها
تشتـَـاقنى ؟! وإذا أثـَرْتُ حديثـَها
فـَ تُشيرُ : إنى صــــائمَةْ
بخلَتْ عليًّ
الشمسُ تدخلُ خـِدْرَهـَا
و توسَّدَتْ فيهِ الرموشَ السَّاهمَةْ
هيَ توقظُ
العشَّـاقَ ، تحرسُ نومـَهَا
و تنامُ عيناها لتشْرِقَ باسِمَةْ
لكنني
ثَمَّ اختلستُ بـَرِيقـَهَا
كان ائتلاقُ البدرِ حُسْنَ الخاتمةْ
بشراكَ
يا نومُ ، الفراشة قد غفتْ
فابسط جناحكَ بالمهاد الناعمَةْ
وعلى بساط
من حنانك ضمها
وانثر ورودك للملاك ـ النائمة ـ
شعر : عصام بدر

 

عزرائيل .. بين أمى وأبى


ابويا ميّت من زمان
وعزرائيل
أمى قالت لى انّه جالها مرتين
وان ابويا بعت لنا معاه قرشينات
وانه متأسف قوى
اكمنّه مقدرش النوبادى مع الفلوس
يبعت حاجات .
ابويا ميّت من زمان
وعزرائيل
أمى قالت لى انّه جالها مرّه تالته
وان ابويا بعت لنا وياه جواب
وانه طالب منّها تقرقش له عيش
لجل يفطر كل يوم الصبح منه
ناسى معذور انه مات
قبل تمن العيش مايغلا
واننا من بعد موته
دون عشانا ساعات نبات
مرّه رابعه
عزرائيل جه يسأل امى
ايه عملتى؟
أصل مخصوص النوبادى
باعتنى أخد القرقوشات
أمى تبكى بنهنهات
ايه الحكايه؟
قولى ماتخبيش عليا
أمى تنطق
أصلى مكسوفه انّى اقول لك
انه مات مالهوش رصيد
وانّهم عايزينه ياابنى
لجل يحضر
جلسته اللى اتحددت فى المحكمه
يوم التلات . شعر : على جامع



تمرد نسبى
 

هو الشعر يعصاني
إذ ركنت لهدوءٍ نسبى وبيتٍ كالزجاج
أخشى أن ينفرط من أوجاعٍ صغيرةٍ
 لديها رغبة فى التضخم ،
الروح دائمة التمرد :
تغرد كعصافير عائدة لتوها من رقصٍ جماعى،
وتصبو لجنون ٍ قديم
لأرصفةٍ بهمومٍ تضيق
 لشوارع ممزقةٍ 
ووجوهٍ كزبدٍ يتلاشى ،
الروح دائمة التمرد:
تسلبنى كثيرا من البهجة
تزداد عبثا بجسدى
وتضيق برجلٍ أحاطنى بدفءٍ كأمى .
رجلٌ يدثرنى بجنونٍ وأراجيح ،
رجلٌ أحبه جدا ولا أستحقه .
إذ إن روحا:
تلعن كل القوانين وتجنح فى شبقٍ دائم .
جسدى الذى يلهث
علىّ أن أصطحبه مثل « كيرستين هامان»
حتى لا يخدش طفولته أحد
جسدٌ لم يرتو بعد ،
أشبعته احتياجا ،
ولم يتوقف عن الضجيج ،
ولم يشعر به سوى حوائطٍ ضيقةٍ جدا،
جسدٌ لقنته درسا ؛
كى لا يفكر فى غرائزه ،
ولا يكمن فى عقل مراهقةٍ
تود ممارسة الارتواء لحظة ؛
كى تغيب عن وعيها نهائيا ،
ولا تبكيها نشوة العودة .
جسدٌ يرقص
كعصافير عائدةٍ لتوها
من
مراسم


العزاء . شعر: عفت بركات
 

فى حضن السما
من إمتى..
يا طير الصباح طالع..
وبتغرد مع الحزن..
اللى ما بيخلصش
وبتسافر..
يسافر غصن الليل على جناحك
حطيت..
على لون العيدان المسك
ورفعت ستر الليل على الأخر
وإبتديت..
وإبتدا قلبى..
يقرا حروف الشوف
الأرض أمى..
طالع منْها..
نبت الشعور والحس
والمطر..
كما بحر الكلام..
عطشان لطين الروح
قول لى يا طير إمتى الغنا..
إمتى الدخول فى البحـــــر
إمتى الخروج م المحـــــزنه
يمكن..
تكون اللحظ دى..
مش لحظتى
والأرض..
باب مفتوح
والصبح..
لون غامق
والسنين..
وهم فى نشيد الروح
والقمر..
هاله من التعتيم
وتغادر الدمعة الأخيرة..
جفون الشمس
وتنام على سرير النجوم..
روح الكتابه والألم..
وتغمض الأيام
الزمن..
خان الأمانه..
وإبتدا يقرا كتاب الموت
قول لى يا طير..
يا اللى أنت واقف ع السبيل..
عطشان تموت
والوَرَد نازف من إيديك..
والدم فى حضن التراب..
والجسم فى حضن السما..
من قد إيه عطشان تموت
من قد إيه..
عطشان..
تمـــــــوت.

شعر : محمد عبدالخالق شربي