إبداع

شعراؤنا شموس فى سماء الإبداع ينيرون لنا ببصيرتهم وبصرهم طريقنا ويخبرونا ما لم نخبره فيما فاتنا من أمورنا الحياتية فهم بمثابة توثيق وشهادة على عصرهم ونحن نخصص هذه المساحة من الإبداع لقصائد الشاعر اللبنانى جوزيف حرب، الذى توفى مؤخرا تاركاً دواوين شعرية بالفصحى غنت له فيروز العديد من القصائد، منها: «لبيروت»، «حبيتك تنسيت النوم»، «لما عالباب»، كما لحَّن وغنَّى له مارسيل خليفة: «غنى قليلاً يا عصافير»، «انهض وناضل».

ومن دواوين الراحل بالفصحى: «شجرة الأكاسيا»، «مملكة الخبز والورد»، «السيدة البيضاء فى شهوتها الكحلية»، كما ترك دواوين بالعامية منها: «مقص الحبر»، «سنونو تحت شمسية بنفسج».

شغل حرب رئاسة اتحاد الكتاب اللبنانيين من عام 1998 حتى عام 2002.

يصاحب قصائد حرب لوحات الفنان والرسام النمساوى الشهير غوستاف كليمت، وهو من مواليد  1862 – توفى فى 6 فبراير 1918  اهتم كليمت بشكل رئيسى بموضوع جسد الأنثى علاوة على لوحات تتناول جماليات المنظر الطبيعى.
رسوم - غوستاف كليمت

صفصاف

كل ما ع التخت،
مرّه بفوت.
وتبقى عيونى كثير نعسانى.
بتوعى ما بعرف ليش،
أحزانى.
وبيمرقو مثل العواصف ع الشجر كل اللى غابو،
كل يللى فتحو فىّ جروح، وكل يللى بعدنى بشتقلهن.
كل اللى خانوا هالبياض.
الأسئله السودا،
مسا الأيام،
ليلات الشتى،
أهلى اللى راحوا بهالعتم،
ويطير نومى،
وصير كلى غصون.
وْراقا عيون،
مرغرغا وحمرا،
ونقطها دم دافى.
وتقطر،
وبركى هـ التخت.
وتصير عند الصبح مليانى.
وفيها أنا الإسمى الصفصافى.
بالدمع غرقانى.
 
اسوارة العروس

أسوارة العروس مشغولى بالدهب
وأنت مشغول بقلوب يا تراب الجنوب
رسايل الغياب مكتوبة بالسهر
وأنت بالعز مكتوب يا تراب الجنوب
وبتولع حروب وبتنطفى حروب
وبتضلك حبيبى يا تراب الجنوب
اللى حامل عكتافو زيتون وسنابل
قلعة بحر صور صخرة جبل عامل
اللى حامل وراق شعرا وعشاق
القمر مخبيلن لعراسن خواتم ما بيقدر يحمل ظالم
وشو ما اجا شعوب وشو ما راح شعوب
كلن راح بيفلو وبيبقى الجنوب
لما بغنى اسمك بشوف صوتى غلي
ايدى صارت غيمى وجبينى على.. يا جنوب
الشمس بتطلع سودا وبيبس الموج
إذا بفكر انو ترابك مش الي
ويا شعب الشعوب الأقوى من الحروب
بتبقى اذا بيبقى يا شعب الجنوب.
 

 
لما عالباب

لما عالباب يا حبيبى منتودع
 بيكون الضو بعدو شى عم يطلع
بوقف طلع فيك وما بقدر أحكيك
وبخاف تودعنى وتفل وما ترجع
بسكر بابى شوفك ماشى عالطريق
فكر أنزل أركض خلفك عالطريق
وتشتى عليى ما تشوفك عينيى
وأنا أركض وراك أمدلك أيديى
وأندهلك أنطرنى حبيبى وما تسمع
ما رح ترجع بعرف أنن غيروك
يا حبيبى وعذبونى و عذبوك
سهروا عينينا وفرقوا أيدينا
وصرنا كتير نخاف إذا نحنا تلاقينا
ما بنتلاقى إلا وقت اللى منتودع



نبقى سوى

من يوم التكون يا وطنى الموج كنا سوى
ليوم البيعتق يا وطنى الغيم رح نبقى سوى
تاجك من القمح تمنيتلك السلام
وشعبك بيحبك لتبرد الشمس وتوقف الأيام
عا رماد اللى راحوا عا خاتم الزمان
على حجار السود اللى بقيو من الحيطان
عا منديلك إمى عا بواب البيوت
عم بكتب يا وطنى الوطن ما بيموت
وأنت أنت من يوم اللى كنت أنت
رسمتك سنابل شهدا وحمام
رسمتك يا وطنى وطن السلام
من إيدين الفقرا وشباك الصيادين جايى الحريي
ومن الشمس المحفورة بعيون المظلومين جايى الحريى
ومن الحق الضايع إلا من الشوارع
من شهدا الأرض الماتوا للأرض وجوهن منسيى
جايى النصر وجايى الحريى.
 
فيكن تنسو

فيكن تنسو صور حبايبكو
فيكن تنسو لون الورد وورق رسايلكو
فيكن تنسو الخبز الكلام أسامى الأيام والمجد اللى الكن
لكن شو ما صار ما تنسو وطنكن
أنا البيسمونى الملكة بالغار متوج زمنى
ومملكتى ما فيها بكى وجبينى ولا مرة حنى ما حنى
شعبى دهبى فرحى وغضبى
بترك صوتى وما بترك وطنى



اسامينا

اسامينا شو تعبو أهالينا تلاقوها وشو افتكرو فينا
الأسامى كلام . شو خص الكلام.. عينينا هنى أسامينا
لا خضر الأسامى ولا لوزيات
لا كحلى بحرى ولا شتويات
ولا لونن أزرق قديم ما بيعتق
ولا سود وساع ولا عسليات
ولا فيهن دار دار الخمار
علينا وبلش يسقينا
تلج وورق طاير والمسا حزين
وضباب وقناطر نحنا بردانين
لملمنا أسامى اسمى عشاق
من كتب منسيى وقصايد عتاق
وصرنا نجمع اسامى ونولع
تصارو رماد وما دفينا.

 
ياريت من

يا ريت منن مديتن ايداى وسرقتك أيه أيه
لأنك إلن رجعتن ايداى وتركتك حبيبي
ندهتك خلصنى من الليل ويا ريت
نرجع إلنا أشياء نحبا و عنا بيت
صدقنى لو بقدر أتحمل عذاب الأشياء كلا ما كنت فليت
ولا كنت حرقتا حياتى وحرقتك
إذا رجعت بجن وإن تركتك بشقى
لا قدرانة فل ولا قدرانة أبقى
شو بكره يا حياتى لما بشوفا عندك
يا بتحرمنى منها يا بسرقها سرقا
وشو قالوا يا عمر حلو وما دقتك
 
ما قدرت نسيت

زعلى طول أنا وياك و سنين بقيت
جرب فيهن أنا إنساك ما قدرت نسيت
لو جيت نهار عابيتى لقيت إنك حبيبى بغيابى جيت
بتشوف إن ما مرقوا إلا إيديك على هالبيت
كإنك حبيبى وأنت عينيك هلق فليت
يا ريتك هون حبيبى وليل
ويكون نبيد وشمع الليل
وأكتبلك عا ورقة حتى ما قول ما بقدر قول
يا ريتك مش رايح يا ريت بتبقى عطول.
 
حبيتك تنسيت النوم


حبيتك تنسيت النوم يا خوفى تنساني
حابسنى براة النوم وتاركنى سهراني
أنا حبيتك حبيتك أنا حبيتك حبيتك
بشتاقلك لا بقدر شوفك ولا بقدر احكيك
بندهلك خلف الطرقات وخلف الشبابيك
بجرب إنى إنسى بتسرق النسيان
وبفتكر لاقيتك رجعلى اللى كان
وتضيع منى كل ما لاقيتك
حبيتك حبيتك أنا حبيتك حبيتك
يا خوفى ابقى حبك بالأيام اللى جايى
واتهرب من نسيانك ما اتطلع بمرايى
حبسى أنت أنت حبسى وحريتى أنت
وأنتا اللى بكرهو واللى بحبو أنت
يا ريت ما سهرت وخفيتك
حبيتك حبيتك أنا حبيتك حبيتك.