بعد المسرحية الهزليةممدوح إسماعيل يدعو مرسى للإنسحاب

حمل الحكم لكل مواطن نصيبه من الألم بين السخرية والحشد تنوعت ردود أفعال النشطاء وأهالى الشهداء فى ميادين مصر.
 
 يقول محمد محيى ناشط: اكبر كوميديا عبثية ان رجالة حبيب العادلى خارجين كمان ساعات وبراءة يعنى هيرجعوا شغلهم ومش بعيد رد شرف وترقيات.... بنشكر القضاء المصرى على انه قرر يموتنا من الحسرة أو الضحك.. مش فاهم الحقيقة.
 
 
 
 
 
يعنى مبارك اللى الثورة قامت ضده متحكمش عليه غير فى جريمة حصلت يوم 28 يناير.. يعنى مبارك لم تكن له جرائم خلال فترة حكمه؟.. يعنى امن الدولة ملهاش جرائم.. يعنى الثورة ظالمة لمبارك ولنظام حكمه.
 
 
نصر فريد.. بعدين ازاى كل الضباط ياخدوا براءة بينما مبارك ياخد مؤبد اكيد لو عمل استئناف هياخد براءة أو على الأقل هيقضى كام يوم فى منتجع الطب العالمى لغاية الرئيس شفيق ما يعفو عنه بعد فوزه بالتزوير.. بكرة الظباط دول كلهم هيرجعوا وظايفهم وهينتقموا من الثوار كلهم واحد واحد، لسه ناويين تقاطعوا الانتخابات وتسيبوا شفيق يكسب.
 
 
 وهناك دعوات انطلقت تطالب مرسى بالانسحاب فتقول هويدا غنيم ناشطة «آخر فرصة لاختبار الاخوان أتمنى من د. محمد مرسى إنه ينسحب وكل النواب تنزل ويعتصموا ويؤيدوا الثورة وانهم يعيدوا الثورة ومن الميدان نكون مجلس رئاسى ثورى وحكومة ائتلافية من الملايين فى الميدان ده اللى كان المفروض يحصل فلازم نتكاتف».
 
 
 وقال النائب ممدوح إسماعيل لمرسى «أرجوك انسحب من انتخابات الإعادة..المهزلة واضحة فلا تكن طرفا فى تمثيلية النزاهة».
 

 
كما حمل اتحاد شباب الثورة شفيق مسئولية أحكام البراءة لأنه أعدم أدلة الاتهام أثناء رئاسته للحكومة ودعت حملة د.عبدالمنعم أبو الفتوح (مصر القوية) جميع أعضائها إلى المشاركة فى الدعوات للنزول إلى ميدان التحرير الساعة 5 ومختلف الميادين فى باقى المحافظات.
 
 
أما صفحة بس ياسيدى وقامت ثورة فقد سعى أحد الأعضاء المؤسسين لإشعال فكرة الثورة المسلحة من جديد فقال مجموعتنا هتبدأ تشتغل فى أقرب وقت كل مجموعة تكون نفسها وأسهل حاجة تتجاب هى السلاح وهتحتاجوا شوية تدريبات مش أكتر اللى ماتوا دول دمهم مش هيروح ببلاش وياإما نجيبلهم حقهم يا إما نحصلهم طالما القانون ماجبلناش حقنا إحنا هنجيبه بنفسنا.