الجمعة 29 مارس 2024
رئيس مجلس الإدارة
هبة صادق
رئيس التحرير
احمد باشا

سخرية النشطاء.. التليفزيون المصري يوقف إعلان «امسك جاسوس»




معلومات مهمة خدها ببلاش أزمة في البنزين لمواصلات الأسعار مولعة .. بتشتكي لمين وليه تفتح له قلب البلد  مش أي واحد تقبله وتفضفض له وانت مش عا رف هو مين؟ ووراه إيه أوزن كلامك  وقوله كل كلمة بثمن لكلمة تنقذ وطن .. إنه الإعلان الأكثر رواجاً وإثارة للجدل  بين النشطاء علي مواقع التواصل الإجتماعي الفيس بوك وتويتر  إذ اعتبروها بمثابة تخوين للثوار والبعض نعته بالسذاجة واتهمها البعض بمحاولة «تطفيش» ما تبقي من السياح  وكانت تعليقاتهم علي مواقع التواصل الاجتماعي.
يقول رضا محمود «كل كلمة بثمن؟ يعني ماتقولش معلومات من غير ما تقفش ثمنها التليفزيون المصري... أم الأجنبي»
وتعلق هالة إبراهيم اللي بيتريقوا علي اعلان «كل كلمة بثمن الكلمة تنقذ وطن» هما اللي كانوا بيتريقوا علي «ايلان» وعملوا نفسهم من بنها لما اسرائيل كانت بتتشحتف عليه.
ويفسر  محمود عزيز «..إعلان الجواسيس ده بيقولك : كل كلمة بتمن والكلمة بتنقذ وطن ، يعني اشتغل مرشد أو مخبر وليك الحلاوة يا برنس.. واللي يقولك ريلي  بعد كده جرجره من قفاه علي القسم»
محمد  هواري «هو إعلان الجواسيس ده أهبل كده إزاي؟ الجاسوس من دول ممكن يجيب ف نص ساعة  من علي الفيس اللي بيتقال علي القهاوي في تلات أيام ومن غير مايسأل حد»
من جانبه أكد رئيس قطاع قنوات النيل المتخصصة الحكومية علي عبد الرحمن «تم وقف عرض هذا (الإعلان) منذ مساء أمس لأنه خشينا أن يساء فهمه واعتبار انه يحرض علي الأجانب».
وتابع عبد الرحمن «نحن دولة تسعي إلي زيادة أعداد السياح القادمين لزيارة مصر لذلك قررنا وقف هذا التنويه علي أساس أن نعيد صياغته حتي لا يتم إسقاط أي إيحاء بالتحريض علي الأجانب».