فيسبوكيون: بمناسبة الرقص «اللى قدام» اللجان «عاوزين» انتخابات كل أسبوعين

كتبت - مروة مظلوم

تصوير: أيمن فراج


سيدة حامل تضع مولودها فى إحدى اللجان.. مواقف وطرائف الانتخابات الرئاسية لشعب التعليقات الساخرة والنكات حياته.. لا يتوانى عن السخرية حتى من ذاته وفى أصعب المواقف وأكثرها حساسية.... سيدات ترقص.. يجوز رسم قلوب وكتابة بحبك فى استمارة الانتخابات.. السيسى ونضارة الناخب المفقودة.. كلها قصص انتشرت على مواقع التواصل الاجتماعى أمس.. رصدت فيها حالة ما بين الفكاهة والنقد بدأت من أول أمس عند إعلان رئيس العليا للانتخابات بأنه يجوز رسم قلوب وكتابة كلمة بحبك على استمارة الاقتراع.. فتنوعت تعليقات النشطاء من الشباب على هذا الخبر على النحو التالى:
■ طالما يجوز كتابة «بحبك» ورسم «قلوب» فى الاستمارات، يبقى يجوز الرقص خارج اللجان.
■ يجوز كتابة «بحبك» ورسم «قلوب» فى بطاقة التصويت ممكن ابعت اهداء لابن خالى لسه متجوز امبارح.
من طرائف الانتخابات ست كبيرة اتأخرت فى تسليم الورقة القاضى بيقولها لسه كتير يا حاجة؟ قالتله خلاص يابنى ناقصلى اتنين بس.
ويأتى الخبر الصباحى.. امراة تضع مولودها فى إحدى اللجان.. وانتشر الخبر عنها فى بورسعيد.
والإسكندرية والمحلة.. وكانت تعليقات الشباب تدور كلها حول تضارب الخبر.
سيدة تضع مولودها داخل احدى اللجان الانتخابية بالإسكندرية وتطلق عليه اسم (السيسى).. ماسمتيهوش لجنة ليه؟!
وبالطبع كان الرقص أمام اللجان هو الحالة التى ينتظرها الجميع خاصة بعد أن خلفت أغنية «بشرة خير» أغنية «تسلم الأيادى».. وتنوعت الصور والتعليقات الساخرة بهذا الشأن من قبل النشطاء على تويتر على النحو التالى:
■ بمناسبة الرقص اللى قدام اللجان ده والمزز اللى طفحت فى البلد مرة واحدة ياريت يبقى فى انتخابات كل اسبوعين مرة.
■ يا ريت هانى شاكر يكون متابع معانا الرقص فى الشوارع وعند اللجان !! يا هانى لازم تعتذر للجسمى.
الناس كلها بتتكلم على رقص الستات امام اللجان..طيب ينتخبوا وهما فرحانين لدرجة الرقص..ولا يقفوا فى الطابور مكتئبين.
■ ومش لاقى اى مبرر لامتعاضهم من الرقص أمام اللجان!! ده شعب مكبوت ونسى ازاى يحلم زى ما شوفتوا فى فيلم ساندرا، حرام تكبتوه أكتر من كده.