الثلاثاء 19 مارس 2024
رئيس مجلس الإدارة
هبة صادق
رئيس التحرير
احمد باشا

إبداع




شعراؤنا شموس في سماء الإبداع ينيرون لنا ببصيرتهم وبصرهم طريقنا ويخبرونا ما لم نخبره فيما فاتنا من أمورنا الحياتية فهم بمثابة توثيق وشهادة على عصرهم ونحن نخصص هذه المساحة من الإبداع للاحتفال بالشاعر المصري الراحل محمد حمزة (20 يونيو 1940 - 18 يونيو 2010)، بدأ بكتابة الشعر الغنائي باحتراف فتغنى بقصائده العديد من المطربين منهم عبد الحليم حافظ ونجاة الصغيرة وفايزة أحمد وشادية و وردة الجزائرية وصباح وغيرهم، وصل رصيده إلى 1200 أغنية عاطفية وشعبية ووطنية، كما عمل كصحفي وناقد في إصدارات روزاليوسف وصباح الخير وجريدة الوفد والأهرام الرياضي.


يصاحب القصائد لوحات للفنان البريطاني العالمى جون كونستابل (1776-1837)، وهو من أهم فناني الحركة الرومانسية في بلاده، اشتهر بلوحات الطبيعية عن الريف البريطاني.

 مقطع من قصيدة حاول تفتكرنى

انا اللى طول عمرى بصدق كلام الصبر فى المواويل
وانا اللى طول عمرى بقول الحب عمره طويل
من كتر ما كان الحب واخدنا
وكل حلاوه الدنيا فى ايدنا
لا فكرنا زمان يعاندنا
ولا ايام تقدر تبعدنا
وعشنا الحب بل ايام
وكل بكره فيه أحلام
واتارى كل ده اوهام...
وسافر من غير وداع
فات فى قلبى جراحه
دبت فى ليل السهر
والعيون ما ارتاحوا
و منين نجيب الصبر يااهل الله يداوينا؟
اللى انكوى بالحب قبلينا يقول لينا
وسافر من غير وداع...
حبيبى
والله لسه حبيبى
والله وحبيبى مهما تنسى حبيبى
والله وحبيبى عمرى ما انسى حبيبى
ابقى افتكرنى... حاول تفتكرنى
بعدنا بعدنا ليه؟ تعبنا!
قول قول قول من ايه؟
من الشك يا عيني؟
من كلمه قالوها علي؟
من الغيره يا عيني؟
الغيره ياما عملت في.
حبيبى... مهما شوقى يطول يا حبيبى
حأفضل اقول يا حبيبى
ابقى افتكرنى... حاول تفتكرنى
ولو مريت فى طريق مشينا مره فيه
أو عديت فى مكان كان لينا ذكرى فيه
ابقى افتكرنى... حاول تفتكرنى
دى ليالى عشناها
ابداً مش حنساها
على بالى يا حبيبى
على بالى ايام وليالي
على بالى ليل ونهار
وانت على بالى....
ومنين نجيب الصبر يااهل الله يداوينا؟
اللى انكوى بالحب قبلينا يقول لينا
وسافر من غير وداع
من الليالى الليالى من بعدك واللى جرالي
سهرنى الشوق دوقنى الشوق طعم الحرمان فى الليالي

 

خذنى معاك

خدنى معاك ياللى انت مسافر خدنى معاك
خدنى معاك عنــــد الحبـــايب خدنى معاك
خدنى معاك عنـــد اللى غايـــب حدنى معاك
وحياتك يا ماشى عدى ولا تنساشي
حبيبى راح ولا جاشي
من سنين وانا صابرة
 عا لحنين مش قادرة
ولأجل خاطره مسافرة
خدنى معاك ياللى انت مسافر
وحياتك يا جارنا يامسافر لقمرنا
من يوم فراقه لدارنا
غابت فى بعده قمره تكتب عليه الشجره
سألت عليه كم مره خدنى معاك ...
والله ان كنت اعدى سبع بحور لاعدي
حتىان تعبت ما هدي
عدى وخدنى معاك خدنى لحبيبى هناك
واناواقفه باستناك
خدنى معاك ياللى انت مسافر

 

مقطع من قصيدة «وماله»

ومالو اادى الهوى واادى حالو .. والقلب واللى جرالو
زى السواقى الزمن لسه داير بينا .. داير بينا
زى السواقى والقدر عمرو ما خذنا للأمان
وادينى بنقول ومالو ..
ومالو اادى الهوى واادى حالو .. والقلب واللى جرالو
والقلب واللى جرالو
وقالو بينا .. قلنا جينا
معاكم وفـ حبكم .. حـ نكمل المشوار
واما جينا .. خليوا بينا
وفاتونا من بعدهم .. وحدنا على نار
والنهارده قال جايين .. قال .. قال جايين
حبايبنا بتوع زمان .. بيقولوا ندمانين
ع اللى عملوا زمان
جايين بيقولوا لينا .. متعتبوش علينا
دا لحد بيتكم جينا
نخاصمهم والا لأ .. قولوا أيوه ولا لأ
ايوه لأ لأ .. أيوه أيوه
نصالحهم ولا لأ ..  قولوا ايوه ولا لأ
ايوه لأ لأ .. لأ لأ لأ
جايين بيقولوا لينا .. متعتبوش علينا
دا لحد بيتكم جينا ..
مااحنا جينا ياما جينا .. ومن يومينا طب ومالو
طب ومالو .. ومالو
ايه .. من قد ايه .. وازاى وليه
مش فاكره امتى .. وعملنا ايه
ايه .. ايه .. ايه .. من قد ايه ..
ناسيه وحياة عيونى .. ياللى سامعنا اعذروني

 

موعود

موعود معايا بالعذاب موعود يا قلبى.. موعود ودايماً بالجراح موعود يا قلبي
ولا بتهــــــــــــــــــــــــدى.. ولا بترتاح فى يــــــــــــــوم يا قلبـــــــــــي
وعمرك ما شــــفت معايا فرح.. كل مرة ترجع المشــــــوار بجرح
والنهاردة جاى تقول انسى الآهات.. جاى تقول لى يالا بينا الحـــــب فات
وميل وحدف منديــــــــــــــله.. كاتب على طرفه أجيــــــــــــله
وأمانة يا دنيا أمـــــــــــــــــانة.. تاخدينا للفرحة أمــــــــــــــــانة
وتخلى الحزن بعيد عنـــــــــــــا.. وتقول للحب استنّا .. اســـــتنّا
تانى تانى تانى .. حنروح للحب تانى .. والنار والعــــــــذاب من تاني
تانى تانى تانى .. حنروح للحيرة تانى .. ونضيع ونجرى ورا الأمــــاني
ويغيب القمر ونعيش الســـهر.. وأهات الألم بليالى النــــــــــــدم
يا ليل آه يا ليـــــــــــــــل.. يا حزن الســــــــــــــــــــــــــــــــــــهارى
ياللى شفت فى عينى دمــــوع وأنا دايما راجع وحيــــــــــــــد
خلى فجر الحب يطلع بـدرى يملى مشــــــــــــــــوارنا الجديد
وأمانة يا دنيا أمـــــــــــــــانة.. تاخدينا للفرحة أمــــــــــــــــانة
وتخلى الحزن بعيد عنـــــــــــا.. وتقول للحب استنا .. اســـــتنا
وابتدى ابتدى ابتدى المشـوار.. وآه يا خوفى من آخر المشـــــوار
جنه ولا نار اه يا عينــــــــــى.. رايح وانا محتار آه يا خوفــــــــي
واتقابلنا..والحياة قدام عينينا حلوة واتقابلنا..والكلام فوق الشفايف غنوة
كل حاجة فكرت فيهــــــــــا فى لحظة واحدة رديت عليهــــــــا
بنظـــرة حلـــــــوة من عينيهـــــــــــــــا
الأمان فى عينيهـــــــــــــــــــــــا.. حسيت إنى عديت للأمان فى عينيهـــا
والحنان خــــــــــد منى وادفا.. يااللى محروم من الحـــــــــــــــنان
والقمر طلع.. والخــــــوف بعد.. والهوى دفى والليــــــل سمع
شــــــــــوف بقينا فين يا قلبى.. وهى راحــــــــــــــــــــــت فين
شــــــوف خدتنا لفين يا قلبى.. وشــــــــــــــــــــوف سابتنا فين
فى سكة زمان راجعين فى سكة زمان.. فى نفس المكان ضايعين فى نفس المكان
لا جراحنا بتهدى يا قلبى.. ولا ننســـــــــــــــــــــــــى اللى كان يا قلبي
بتصحى الطريق خطوينا وأنين السنين .. والسما بتبكى علينا والناى الحزين
حتى نجوم ليالينا والقــــــــــــــــــــــــــــــــــــــــــــــ ــــــــمر غايبين
وتانى تانى تانى .. راجعين أنا وأنت تانى .. للنار والعذاب من تانــي
وتانى تانى تانى .. راجعين للحيرة تانى .. هايمين ونجرى ورا الأمانـي
تانى تانى تانى .. حـنروح للحيرة تانى .. ونضيع ونجرى ورا الأماني
ويغيب القمر .. ونعيش السهر .. وآهات الألم .. وليالى النــــــــــدم
وأمانة يا دنيا أمانـــــــــــــــة تداوينا من جرح هوانــــــــــــا
وتخلى الحب بعيد عنـــــــــــا ولانستناه ولا يســـــــــــــتنا
ده آماااااااااااااااااااااااااااااااااااانة

 

نبتدى منين الحكاية

لو حكينا يا حبيبى.. نبتدى منين الحكاية؟
احنا قصه حبنا.. ليها اكتر من بداية
عشنا فيها يا ما عشنا .. شفنا فيها .. يا ما شفنا
لكن مشينا وكملنا .. مشوار الحب ووصلنا
والدنيا ما قدرت تعاندنا .. وتفرق بينا وتبعدنا
تعالى نقول لغيرنا .. انا وانت ازاى قدرنا
نبعد عن اى عذاب .. ونعيش على طول احباب
نحضن فرحتنا سوا .. ونخلى الحب شباب
وقابلنا انا وانت فى مشوارنا .
حاجات كتير جرحت غيرنا
الغيره وظنونها .. واللى بيجرى منها
فى يوم ما قربت منا .. بعدها حبنا عنها
وقابلنا الحاسدين وشافونا .. ولا هانش عليهم يفوتونا
وقالوا علينا قالوا يا ما قالوا .. وهوانا ولا اتغير حاله
وتسافر واسافر .. وايام يطول السفر
وقلوبنا بتتقابل .. مع كل طلعه قمر
وان جت خطوتنا تغربنا .. حلاوة الشوق بتقربنا
ومنين يجينا الخصام ؟.. ومنين يجينا البعاد؟
واحنا بين قلوبنا .. كل لحظه ميعاد
تعالى نقول لغيرنا .. انا وانت ازاى قدرنا
نبعد عن اى عذاب .. ونعيش عل طول احباب
نحضن فرحتنا سوا .. ونخلى الحب شباب
وفى لحظه وقفنا وابتدا خوفنا
ولقينا حوالينا الدنيا ضباب .. وليل وقلب جريح
زى اوراق الشجر وقت الخريف .. رماها الريح
سالنا روحنا ليه .. اكبر من حبنا .. ايه .. ايه؟
لكن مطالش الخوف بينا .. وعرفنا وشفنا وحسينا
انت شايف الحب كله عيون .. وهمس لكن انا شايف
احلى كلام عشاق يا حبيبى .. هو كلام الشفايف
انت وانت جنبى فى كل ميعاد .. بيجمعنا بتروح بعيد ويا التنهيد
وانا بشوف لقانا هو اثنين سوا.. دايبين فى لمسه ايد
بتقولى بخاف نمشى ونبعد ..
دا الهوى جبار يلعب بينا
خايف من ايه؟
فى اجمل ايه .. من حضن يدفينا
بتقولى شوف القمر ويايا شوف القمر
اللى كل العاشقين .. سهروا الليالى ليه
حلو القمر حلو .. بس احلى من القمر ..
لو نخلى عمرنا يوم ندوق الحب فيه
واتبدد خوفنا .. من بعد وقوفنا
وبدقه قلوبنا .. عرفنا ايه الدوا
وعشنا الحب خيال .. وحقيقة سوا

 

مداح القمر

عاشق ليالى الصبر مداح القمر .. عشق العيون السمر غوانى الســـــــــهــر
لولا النهار فى جبينك لولا الورود فى خدودك لولا الأمان فى وجــــــودك
مــا كنت هـويت .. ولا حبيت .. ولا حسيت بطعـم الحب يا عمــــري
قدك المياس يـا عمــــــــــــرى أيقظ الإحساس فـى صـــــــدرى
أنت أحلى الناس فى نظـــــرى جل من سـواك يا عمــــــــــــري
يـا شـــــــــــــــــــعـر ليـل يـا ليـل يا ليل وفـارد ضفايرك عالقـــــــــمر
يابو ضحكة حلوة منـــــــــــــــــورة ليل الســــــــــــــــهر يا ليل يا ليل
يـا للى حســــــــــــــــــنك خللى دقات القلوب .. بتقول آهـــــــــات
يـا مــا قالــــــــــوا فيك أشــــــــــــــعــار كتيــرة .. وحــــــــكايـات
وليلاتى بيحكوا فـى هواهــــم وكلام ع الرمش اللى رماهــــــم
والليل بيطــول ويــاهــــــــــم ويقـرب لــى فـرحـة عــــــــمري
قدك الميــاس يـا عمـــــــــرى أيقظ الإحسـاس فــى صـــــدري
أنت أحلى النـاس فى نظـــرى جل مـن ســواك يـا عمـــــــــري
عينى يا عينى عينى عليكـــــى كل القلوب بتدوب حواليكـــــي
أما أنــا .. وحـــــــــــدى أنا بشوفك بس بعيون غير عيون الناس
واحـــــــبك بكل ما فى القــــــــــــــــــــــــــــــــلب من إحســـــــاس
أما أنا وحدى أنا باشوف الحزن متدارى ورا الضـحكة اللى فى عينيكـي
وباســـــمع فى رنين صـــــــــــوتك شـــــــــــــــــجن ما لى .. لياليكـي
وياريت اللى كتير وصفوكــى كانوا ياخدوا عينى يشوفوكـــــي
كانوا بقــــــــــلوبهم حـبــــــــــــوكى زى ما حبيتك أنا وقلبـــــــــــي
قـدك الميـاس يـا عمـــــــــرى أيقـظ الإحسـاس فــى صــــدري
أنت أحلى الناس فى نظــــرى جـل مـن ســـواك يــا عــــــمري
موال عاشـــــق بقيت موال وقصتى بتنقال للناس والعاشـــــــــــــــقين
وقالوا فى الموال..قالوا عاللى صبر ونال..قالوا من بعد صبر سنين قالــوا
وانا اللى قلبى خــــلاص ارتاح .. أنا وبقيت فى دنيا من الأفراح .. أنــا
ومشيت يا ليل مشوار طـويـــل ولا قلــت مــرة مـستحيــــــــل
ومـشيت ع الشـوك مـا رجعـنى لحــد الحب مـا طـاوعنـــــــــــي
وبقيت انـا والحلـوة حكايــــــة عمر ما ح يبقى لها نهايــــــــة
طول ما انت يا حبيبتى معايــــــا حتنــور لــى أيـام عمـــــــــري
قـدك الميـــاس يــا عمــــــــرى أيقظ الإحســاس فــى صــــدري
أنت أحلى الناس فــى نظــرى جل مـن ســواك يــا عمــــــــري