«الموديلز» وراء عودة الاستقرار للجامعات

كتب ـــ نور الدين أبو شقرة

انشغال الجامعات المصرية بالتحضير للموسم الدراسى الجديد حيث اهتم عدد من الطلاب بتكوين مجموعات تضم مختلف الطلاب لتعلمهم جميع المجالات والتخصصات وتعليم باقى الطلاب فى مختلف الكليات ، وذلك فى اطار استعدادهم للعام الدراسى الجديد فحرص عدد كبير من الطلاب على عودة الأنشطة للجامعات مرة اخرى بعد ان تحولت الجامعات العام الماضى إلى ساحات اقتتال حيث تقوم على تقديم خدمات فى مختلف التخصصات وتضم جميع الكليات وحرص الطلاب على المشاركة وتعلم خبرات ومهارات جديدة


النشاطات الطلابية «الموديلز» هدفها الأساسى هو تعليم الشباب لتقليل الفجوة بين الحياة الدراسية و الحياة العملية.
بتول معتز 19 سنة كلية سياسة واقتصاد: أنا عضو فى مودل «tree» وده نشاط شبابى فى جامعة القاهرة يهدف لتطوير المجتمع المصرى بأكثر من شكل ويقوم بتعليم الشباب كيفية عمل تطبيقات المحمول على الآندرويد وأنظمة التشغيل المختلفة الذى حقق نجاحا كبيرا خلال العامين الماضيين وبدأ ثالث عام له فى 2015 بالوجود فى أكثر من جامعة مصرية منها جامعة القاهرة و الاكاديمية البحرية. وانا شايفة انها مفيدة جدا وانا شخصيا اكتسبت خبرات ومهارات مكنتش متوقعة انى ممكن اعرفها وبتعلمك قدرات وخبرات ممكن متكنش فيك اصلا لان «tree» سيظل صاحب فكرة مختلفة لأن التكنولوجيا لم و لن تنتهى ومش بس كده كمان بتديك المعلومات فى المجال اللى أنت بتختارو وتساعدك ان يكون ليك دور فعال ومش بس دورها انها تعلمك لا دى كمان بعد متتعلم دورك بقى انك تعلم كل الناس بـالخبرات درستها وانا كعضو فى الفريق اتعلمت ازاى يكون عندى ثقة فى نفسى واتكلم مع مدير من غير خوف ولا توتر واعرف ناس اكتر وتخصصات اوسع ايضا هناك من الاعمال الخيرية التى يقوم بها النشاط و بعض حملات التوعية التى تساعد على تطوير المجتمع المصرى بجميع اشكاله. وصرح مسئول العلاقات الخارجية محمد سعد بأن النشاط TREE سيظل صاحب فكرة مختلفة لأن التكنولوجيا لم و لن تنتهى.
ننشر وعياً وفكراً مختلفاً فى جميع المجالات وخصوصاً الإعلام
كريم التهامى 22 سنة إعلام القاهرة،  قال أنا عضو فى «اكس ميديا» اكس ميديا مبدئيا مش موديل عشان الموديل بيحاكى نموذج موجود برة مصر زى مجلس الشيوخ مثلا اكس ميديا تقدر تعتبره نشاطاً طلابياً بهدف لنشر وعى و فكر اعلامى جديد عن طريق دورات تدريبية مجانية للطلبة سواء من اعلام او اى كلية تانية عندنا دورات مختلفة فى الاخراج و الاذاعة و الكتابة و فى الجرافيك المحاضر طبعا بيكون متخصصاً فى المجال: مخرجين _ كاتب و مخرج صحفى و تلفزيونى_ مذيعة راديو _ و جرافك ديزاينر بيبقى فى تدريب عملى للطلبة المتميزين فى نهاية السنة فى مجلة او راديو بتبقى حوالى 10 محاضرات على مدار السنة و بيبقى فى مشروع فى الاخر ده بالنسبة للجانب الاكاديمى بنعمل بردو انشطة تانية : ندوات و معارض ملابس خيرية و رحلات و زيارات لدار ايتام و مارسون عجل و حاجات كده يعنى اه حاجة كمان اكس ميديا ابتدى من سنتين 2012 و هو اول نشاط طلابى فى اعلام بالشكل ده.
محمد المصرى23 .هندسة عين شمس ، الانشطة هدفها تعليم جمع الطلاب جميع التخصصات حسب رغبتهم.
دى انشطة طلابية ابتدت تظهر فى الجامعات الحكومية مع بداية عام 2000 ظهرت بشكل ملحوظ وانتشرت مؤخرا و كان فيه من قبل كده مع اختلاف مسماها من جامعه للتانيه مثلا فى هندسة عين شمس بيتقل عليها «انشطة» و فى جامعه القاهرة يتقال عليها «مودل» هدف الموضوع ايا كان اسمه هوه تقليل الفرق ما بين سوق الدراسه و سوق العمل علشان يطلع الخريج قادر على التكيف مع سوق العمل والدراسة.
اللى بيحصل  بقة ان بيتم تدريب الاعضاء «الطلاب» فى اتجاهات مختلفه على حسب اختياره هوه من الاول فيه حاجات بتبقى تيكنيكال زى تعليم برامج فنيه بحته  بعد كدا بيتم اخد الموافقات من الكلية على توفير سكاشن و توفير مدرجات علشان التراكات تشتغل فيها وتبداء المحاضرات والانشطة الطلابية.
ظاهرة متعارف عليها داخل الجامعات العمل التطوعى او ما يعرف بـ «المودليز» ظهرت على الساحة فى الفترة الأخيرة فالعديد من النشاطات الطلابية تنتمى لـ كليات مختلفة بل واصبحت من اهم المشاريع التى تقوم بها الشباب فى بداية العام الدراسى حيث يتم التحضير لها وهذا ما اكده
«المودلز» تعطى للطلابه الاولوية بعد التخرج فى سوق العمل  
خالد عبد الواحد 21 سنة  كلية تجارة،  انا من ضمن أعضاء فريق «بوبا» رواد ادارة الاعمال  حيث اكد انه يتم وضع لينك به 100  سوال بيجاوب عليه الطلبه ال معانا وبناء على اجابتهم ال «سيستم» بيقولك انت ممكن تبدا مشروع ايه بعد ما بنحدد المشروع بنحضر للاجتماعات ودى بتكون يوم او اكتر مش بس كدا دى بتقدم ورش عمل للطلاب ومناهج دراسة دى بتساعدهم كمان  بنعامل الطلاب كانهم موظفين وده عشان لما يتخرجو يعرفو الشغل فى الشركات ماشى ازاى  بنديهم افكار مشاريع وبنقدم 8 محضرات وفى نهايه المحضرات بنعمل  اختبارات كل طالب بيقدم فكره بناء على الـ درسو فى المحضرات معانا.
انا شايف إن الانشطة دى بتخليك لما تدخل مجال العمل متصدمش ان انت فعلا درست الحاجات دى كلها ، هو بيخليك تعرف تتكلم قدام الناس وتعمل  تقديم للموضيع والافكار من غير ما تخاف بيخليك تتعامل مع الشركات و رجال الاعمال و بتساعدك انك تبقا فرصتك احسن من غيرك لما تيجى تقدم فى شغل بتتعلم من الناس اللى فكرهم احسن منك مجال لتجمع طلاب من كليات مختلفه مش لازم تجارة.