قصر الأمير طاز

جروب فوتون هيخرج معاكم يوم السبت فى مكان مختلف علشان تتصور وتتعلم حاجة جديدة عن التصوير، وكمان هيعمل طالعات تصوير خارج القاهرة علشان نشوف جمال بلادنا اللى إحنا مش شايفينو ونحس بيه، طالعين خروجة تصوير لشارع الصليبة يوم السبت 20-9-2014 هو ايه شارع الصليبه ده وفين؟ شارع الصليبة هو شارع بيمتد من ميدان القلعة وحتى شارع قدرى فى السيدة زينب لمسافة 1300 متر وفيه 33 أثرا الخروجة دى مجانية بدون اى رسوم غير مصاريفك الشخصية وكمان ممكن أى حد يجى معانا عادى هيكون يومنا كالتالى، مسجد السلطان حسن (تصوير من الداخل) مسجد الرفاعى (تصوير من الداخل) سبيل وكتاب السلطان قايتباى (تصوير من الخارج) مدرسة قانى باى المحمدى (تصوير من الخارج) مسجد وخانقاة الأمير شيخون (تصوير من الخارج) سبيل أم عباس (تصوير من الخارج) قصر الأمير طاز (تصوير من الداخل) مسجد ابن طولون تصوير من الداخل، وهيكون موجود السينسيه / محمد سعيد علشان يشرح الأماكن الأثرية فى المنطقة.