محمد على

طول عمرك بتروح القلعة من وانت صغير بس بتشوفها عادية المرة دى فريق تشجيع حملات السياحة الداخلية هيخليك تشوف القلعة كأنك أول مرة تروحها، الموعد يوم الجمعة 28 نوفمبر الساعة 8.45 : 9 صباحا امام مسجد السيدة عائشة بحى السيدة عائشة، هيقف اسفل مسجد محمد على باشا فى مقدمة القلعة وهناخد اللقطة التذكارية، وهيتقسم لعدة مجموعات وكل مجموعة معاها مرشد سياحى للشرح ومشرف من حملتنا.
على أن تكون الأماكن اللى هنزورها هى متحف المركبات الملكية، متحف الشرطة والإطفاء، المتحف الحربى، متحف الحديقة الأثرية، جامع محمد على باشا، جامع الناصر محمد بن قلاوون دخول جميع المتاحف المذكورة مجانا ضمن تكت دخول القلعة ماعدا المتحف الحربى بـ(2 جنيه) للمصرى والعربى.
والأماكن الاثرية اللى هنعدى عليها ومش هندخلها لأنها مغلقة للترميم هى قصر الجوهرة، المحكمة، السجن الحربى، برج الطابية، بئر يوسف.