جربت تركب المترو بالبدلة وتخرج بدونها

كتبت - داليا سمير
اعتراضا منه على الأداء الحكومى بصفته إعلامى وله الحق فى النقد والاعتراض أيا كانت طريقته النقدية الذى يخاطب فيها الجمهور، هاجم الإعلامى  إبراهيم حجازى مساء أمس المهندس هانى ضاحى   وزير النقل وذلك بسبب رغبته  فى رفع تذكرة مترو الأنفاق على الركاب حيث تلقى حجازى فى الرسائل الاليكترونية للبرنامج من أحد المواطنين يتساءل فيها ( ليه وزير النقل بيقارن المترو بتاعنا بمترو البلاد اللى برة ) فرد حجازى قائلا احنا امتى هايجلنا وزير ماسفرش برة ودايما بيبص لبرة وبعدين أنت يا وزير النقل جربت تركب المترو برة وتدخل ببدلة وتخرج بهدومك الداخلية بس) .
ولم يكتف الأمر بذلك فقط بل واصل حجازى انتقاده أيضا مشيخة الأزهر ببرنامج دائرة الضوء المذاع بفضائية النهار، حيث قال أنتم ليه يارجال الدين والازهر سايبين مشايخ بير السلم يسيطروا على عقول الشباب والاطفال ويفهموهم ان الدين لازم يفجروا وينتحروا وتساءل حجازى أيضًا الازهريين انتم ليه مش بتوضحوا الآيات اللى متخلفى بير السلم بيفسروها على مزاجهم .
وناشد حجازى الشباب المصرى بأهمية التصدى للأمريكان اللى بيقولوا على المصريين قتل الإسلاميين قبل أن يقتلوكم وتابع حجازى كلامه بدل ما الشباب بيجرى جرى ويبعت رسايل لـ(ARAB AIDOL) علشان يصوت للفنانين يبعت رسايل للأمريكان ويقول ليهم إن مصر بأديانها سالمين من شروركم وافكاركم المفتتة للبلد واحنا طول عمرنا ماهننقسم.
وأضاف حجازى أيضًا فى برنامجه أن رجال الداخلية بالرغم من جهدهم المبذول لكن لما بنحتاجهم علشان يفيدونا بمعلومة مش بنلاقيهم لكن لما هما يحتاجونا بيلاقونا.
وقد قال حجازى ذلك بسبب شكوى أهالى الشرقية من سرقة العربيات وركنها أمام قسم الحسينية، وأشار إلى أنه قد تكون هذه السيارات فيها خطر على البلد أو على رجال الشرطة بسبب ركنها أمام المركز أو القسم، كما ناشد أيضًا شباب مشتول السوق بضرورة وقف الدماء التى تسيل بين عائلتين من اكبر العائلات من هذه البلدة بسبب التار كما ناشد مديرية الأمن بالشرقية بضرورة التدخل لوقف نزيف الدم حتى لايمتد التار لسلسال العائلات.
وأوضح الاعلامى فى حديثه بالبرنامج أن مسابقات الوظائف الحكومية التى تعلن عنها الشركات أو المؤسسات الحكومية فى هذه الفترة ماهى الا وهم وخداع لتضليل الشعب حيث إن هذه المسابقات تكون مفتوحة فقط لأبناء العاملين وأصحاب الوسائط والمحسوبية، مستنكرًا بتعبيرات وجه وقائلاً: امتى هاننضف وندى الحقوق لأصحابها ومانخدهاش منهم علشان نجامل الزباين ونفذ كلام الرئيس ونساعده للنهوض بالوطن، ومن ناحية أخرى وجه حجازى أيضًا تساؤلا للشباب المتواجد بمحطات المترو وبالشوارع للبيع لاحد المنتجات أو تسويقها (انت ليه ماترحش ورشة أو مصنع وتتعلم صنعة تنفع ولادك بعد كدة مادمت انت فى سن العشرين وماعجزتش) وانا من هنا ياشباب بقول لكم وبوجهلكم دعوة اسعوا يا أولادى ان انتم تلاقوا وظايف وانحتوا فى الصخر علشان ماتندموش بعد كده.