الطبلاوى لـ«السيسى»: لا تستمع لمن حولك

أرسل القارئ الشيخ محمد محمود الطبلاوى رسالة للرئيس عبد الفتاح السيسى يطالبه فيها بألا يتبع أى أحد من حوله، مضيفًا: «المؤمن يرى بنور الله، لأن الناس اللى حوالين الرئيس بيبقوا ناس مش كويسين».
وحكى الطبلاوى موقفين له الأول مع الرئيس المخلوع حسنى مبارك، فى ذكرى وفاة حفيده محمد علاء مبارك، والثانى مع الرئيس المعزول مرسى بمسجد أبوبكر الصديق.
وأوضح فى حواره مع الإعلامية لبنى عسل فى برنامجها «الحياة اليوم» على قناة الحياة قائلًا: «مبارك كان راجل ممتاز بمعنى الكلمة إلا أنه كان حواليه ناس مش كويسين، فى يوم من الأيام كنا بنقرأ فى الذكرى بتاع محمد ابن علاء مبارك، وكان معانا راجل مريض ممنوع أنه يأكل الأكل حادق، فصاحبنا اللى كان مشرف على الديوان الله يكون فى عونه دلوقتى قال إيه ده بتتكلموا فى إيه، ومبارك بصراحة سمع الحوار كنا فى البيت بدار القوات الجوية قال لأ إزاى نفذوا طلبات المشايخ كلها وشوفهم عايزين إيه وطلباتهم إيه قلتلوا بس ابعد أخينا اللى هو زكريا عزمى ده عنا».
وعن موقفه مع الرئيس مرسى قال: «محمد مرسى الله يعوضه الصبر والخير الناس اللى حواليه ضلوه، والله قلتها له بعد ما استلم بشهرين الرئاسة كنا فى مسجد أبوبكر الصديق عند المطار هناك وجه يصلى معانا الجمعة قلت له يا ريس العاقل من اتعظ بغيره لقيت بقى اللى عمال يشدنى كده قلتله لسه فيكم الوساخة ديه هو اللى بيقول تعالى اقعد صلى جنبى».