عمرو أديب: «الطيار الأردنى ما ماتش»

انفعل الإعلامى عمرو أديب، على الهواء، بعد مشاهدته مقطع فيديو لحرق تنظيم داعش الإرهابى للطيار الأردني، معاذ الكساسبة، قائلًا: «الفيلم، ده لازم يشوفه كل الناس، المرة دى اللى بيتقتل عربى مسلم، أخويا وأخوك، طيار فى عمر الزهور».
 وأضاف خلال برنامج «القاهرة اليوم»، المذاع على فضائية «اليوم»: «الفيديو ده لازم يشوفه، أى مصرى، فى مصر لسه بيقول إن الإسلام هو الحل، وأن الجماعات الإسلامية هى اللى بتحكم، الـ 5 آلاف، اللى بيقتلوا ولادنا، واللى جابهم مرسي، وقعدهم فى سيناء دول فرع داعش».
 وتابع: «أن عندى شك أن البطل ده مات، عشان الراجل ما بيموتش، قاعدين بيولعوا فيه وما بيموتش، دى معجزة بطل، الراجل ما ماتش، ده كان قوى ولا اتحرك ولا رمش، وكان واقف على رجليه، بيقرأ القرآن لآخر لحظة، كان أقوى من النار، اللى اتحرق فيها».