تامر أمين يترك الأزمات الحقيقية ويتحدث عن «الملابس الداخلية»

كتبت - هايدى حمدى


لم يجد تامر أمين الاعلامى الذى بدأ حياته فى التلفزيون المصرى بواسطة من والده الاعلامى امين بسيونى غير انتقاد اعلان فى الراديو عن الملابس الداخلية لإحدى الشركات فى محاولة منه لإرهاء المشاهدين وابعادهم عن التفكير فى ما هو اهم فى مع وبدلًا من ان يناقش امين مستقبل المؤتمر الاقتصدى او انتخابات البرلمان المقبل او اى قضية تهم الشارع المصرى راح عبر برنامجه من الآخر عبر قناة روتانا مصرية يناقش الملابس الداخلية فى الاعلانات.
لم يسلم هذا الإعلان من النقد اللاذع الذى طرحه تامر أمين، مقدم برنامج «من الآخر» المذاع على فضائية «روتانا مصرية»، فقد بالغ كثيرا فى نقده، فقال: « شوفتوا الإعلان بيتكلم على كل واحد يكتب اسم حبيبته على البوكسر بتاعه لدرجة إنهم واخدين الأغنية بتاعة فيروز بكتب اسمك ياحبيبي»، رغم أن الإعلان لم يركز على هذه الفكرة بل لم يتطرق إليها.
وخصص «أمين» لهذا النقد وقتًا لا يستحقه، بل بكلماته زادت الدعاية للشركة، فهى لم تعرضه على التلفاز ليصبح منتشرًا بين الناس، فقال: «مش أى حاجة نعملها مش أى تهجيص نهجصه، ياجماعة احنا بنكلم مع مجتمع شرقى محترم له عاداته وأخلاقه وفى مليون طريقة للاعلان عن ملابس داخلية، لكن بطريقة راقية وجذابة وأخلاقية، يعنى الباشمهندس اللى هيكتب اسم حبيبته عالبوكسر بتاعه مش بعد ما هيشتريه هيبقى عايز يورى حبيبته ولا هيخليها سر هيقولها وبالامانة انا كاتب اسمك عالبوكسر وصدقينى وهيبقى عايز يوريها».
قام «أمين» بتحريف الإعلان بشكل كبير، وكانت كلماته أشد إيحاءً بأمور غير أخلاقية عما يوجه إليه النقد، فقال: «هو احنا عندنا زى برة، الشباب الصغير بيتفرجوا على بوكسرات بعض وبيشوفوا الملابس الداخلية بتاعة بعض، يعنى كانت الموضة المنيلة بستين نيلة البس البنطلون الساقط عشان تبين البوكسر دلوقتى لازم تشلح البنطلون خالص عشان حبيبتك تشوف اسمها عالبوكسر».
ولم يكتف بذلك بل ألقى باللوم على صاحب الفكرة والرقابة التى سمحت بخروج هذا الإعلان إلى حيز النور، فقال: «ايه الرسالة الإعلامية والإعلانية من الاعلان، مين اللى بيراقب عالإعلانات دي، لو راقبتوا ووافقتوا عليها يبقى تروّحوا لأنكم مش فاهمين يعنى ايه رقابة وقيم وأخلاق، ولو مفيش حد بيراقب تبقى مصيبة معناها إن البلد بقت سبهللة، وممكن بكرة الصبح الأقى إعلان فيه مشهد جنسى أو فيلم جنسى كامل.