«نص الأسبوع» لـ«الإخوان»: «جتكم خيبة»
روزاليوسف اليومية
بدأت المذيعة ريهام السهلى، مقدمة برنامج «نص الأسبوع» المذاع على فضائية «التحرير»، بمقدمة حماسية تشجع على الاستعداد لحالة الحرب، واستعادة أمجاد حرب أكتوبر المجيدة، داعية كل مواطن مصرى إلى اعتبار نفسه جنديًا فى صفوف الجيش، فقالت: «احنا فى حالة حرب وحياة مختلفة اسألوا عنها اللى عاصروا حرب ٧٣، لازم تستعدوا لكل شىء، لازم نبقى فاهمين إن اللعبة مش فى إيدينا احنا بس، ومش احنا بس اللى عندنا أسلحة جيوش، الجماعات الإرهابية كمان معاها أسلحة ومدربة ومتربصة بيك كل لحظة، احنا كمواطنين على قدر المسئولية، فكل واحد فينا جندى فى مكان».
وحذرت جموع الشعب من توخى الحذر خلال الفترة المقبلة، فالحرب آتية لا محالة، ودعت إلى إعطاء الثقة الكاملة فى قدرة الجيش، فقالت: «احنا فى حرب بقالنا مدة طويلة من شهور وسنين، خاصة الكام سنة الآخارى، لكن أصبحت تتصاعد فى الفترة الأخيرة بشكل أكبر وأكثر وضوحًا، بالتأكيد عواقب الحرب ليست بسهلة والعدو مش سهل، لكن لازم نكون مستعدين لكل دا، وواقفين ورا قواتنا المسلحة وورا دولتنا ونكون ايد واحدة، لأن احنا لو محربناش فى الوقت دا فى ليبيا النهاردة.... بكرة هنحارب فى القاهرة».
ووجهت اللوم الشديد لجماعة الإخوان الإرهابية عن جبنهم فى مجابهة الشدائد، فقالت: «ياجماعة الناس اللى بتقول مرسى والإخوان، هقولكم جتكم خيبة، هو مرسى كان يقدر يعمل هذا الكلام ولا يقف بهذا الشكل ولا يدافع عننا لو كان حد من ولادنا اتدبح هناك، كفاية وفوقوا».