الخميس 28 مارس 2024
رئيس مجلس الإدارة
هبة صادق
رئيس التحرير
احمد باشا

«مصر العرب»: الإعلاميون امتهنوا عمل المخابرات وتحليل المعلومات‏

«مصر العرب»: الإعلاميون امتهنوا عمل المخابرات وتحليل المعلومات‏
«مصر العرب»: الإعلاميون امتهنوا عمل المخابرات وتحليل المعلومات‏




عرض محمد عبد الرحمن، مقدم برنامج «مصر العرب» المذاع على فضائية «CBC EXTRA» تحليل عمرو أديب وخالد يوسف وطارق العريان، حول مذبحة ليبيا، فقال: «عمرو أديب كان بيتكلم عن اللى لابس ساعة فى إيده الشمال، وأبوبكر البغدادى نبه عالعيال الدواعش إنهم يلبسوها فى الإيد اليمين، والمخرج الكبير خالد يوسف اكتشف إنه أمريكا هى اللى مشغلاهم، هو كاتب كده، قال ده عندهم كرين وبيصوروا زى هوليوود، المشهد تمثيلى عالى المستوى، واستُخدمت فيه أحدث أنواع الكاميرات، يبقى ده مخرج هوليوودى أو حاجة زى كده، أما طارق العريان المخرج فاكتشف أن الفيديو غير حقيقى، ومجرد تمثيل».
وسخر «عبد الرحمن» من هذه التحليلات التى تفتقر إلى الصحة، واتهمهم بممارسة مهنة لا تخصهم، فقال: «دلوقتى بما إن عندنا إعلاميين كبار وفنانين كبار سابوا شغلهم وابتدوا يشتغلوا شغل مخابرات وتحليل معلومات، ويقولك أصل احنا بنفهمها وهى طايرة، يعنى مش محتاجين أجهزة مخابرات ولا أجهزة تحليل معلومات، ربنا يديهم الصحة أ. عمرو، أ.خالد أ.طارق، يساعدونا بقى فى حاجات تانية كتير محتاجة تحليل».