«فاروق جعفر»: قيادات الإخوان بيكلمونى عشان أطلع أهاجم البلد

بعد صدور حكم قضائى بالسجن المشدد ٣ سنوات  على فاروق جعفر، المحلل الرياضى ومدرب طلائع الجيش السابق، لإجباره زوجته جيهان نبيل حسيب بالتهديد على كتابة وإمضاء أوراق تنازلها عن ممتلكاتها له، يعود من جديد ليظهر فى دور الوطنى الذى لا يهمه مشاكله فى سبيل إعلاء الوطن.
قام وائل الإبراشي، مقدم برنامج «العاشرة مساء» المذاع عبر فضائية «دريم٢»، بعمل مداخلة هاتفية مع الكابتن فاروق جعفر، يسأله عن حقيقة تواصل قيادات الإخوان معه ليظهر فى قنواتهم ليهاجم الوطن كما فعل غيره، فأكد «جعفر» أنه يعشق مصر ويستحيل أن يخضع لوساوس الإخوان، فقال: «فوجئت بعد سفرى إن فى حد بيكلمنى مصرى وعارفنى كويس أوي، بيقولى أنت اتبهدلت ياكابتن، بس الشغل جاهز والقنوات جاهزة أنت أحسن محلل، بس طبعا أنا مش الشخصية دي، وطبعا بيحاول يوجهني، فقولتله لا أنا شخصيتى متنفعش كدا دى بلدى ومقدرش أغلط فيها ولو للحظة، البلد زى الفل والأمور ماشية تمام».  
وتشعر أنه يوارى الحكم الصادر ضده تحت عباءة الوطنية، فإن كان مستعدًا للتضحية فى سبيل مصر فلماذا تركها هربًا من هذا الحكم، على الرغم من تأكيده على أنه لا مشكلة لديه فى العودة فور تحديد موعد الجلسة، فقال: «كلمونى عن القضية وإنهم ممكن يخلصولى القضية وعندنا محامين زى محمد سليم العوا وهنقف جمبك فى النقض، ولو فى أى التزامات عندك فى مصر هنعملها، قولت لا ياجماعة يبقى أنتم متعرفونيش بتتكلموا كلام غلط، وطبعا اللى بيكلمونى أسامى معروفة عايشناها فى فترة حكم الإخوان، بس دى بلدى وأنا هتجنن عشان أرجعلها مستنى بس معاد الجلسة وانا آجى جرى».