«من الآخر» : «أحمد عز» رقاص وبيغسل سمعته على الشاشات

بعد أن ظهر على قناة «النهار» ليستفز المصريين أنه ليس المسئول عن انهيار البلد فى فترة توليه أمين سياسات الحزب الوطنى. انتقد تامر أمين ظهور أحمد عز، على شاشة الفضائيات للحديث عن ترشحهم للانتخابات البرلمانية.
وقال أمين، فى برنامجه «من الآخر»، المذاع على فضائية روتانا مصرية «سما المصرى زيها زى أحمد عز بس دى بترقص على واحدة ونص، وعز بيرقص على حاجات تانى عن طريق الحركات اللى كان بيعملها فى الانتخابات والحاجات دي، وظهورهم على الشاشة ده فى يوم واحد كأن الصدفة عايزة تقول لنا إن الطيور على أشكالها تقع».
وتابع أمين «وخدوا بالكم إن سما المصرى ما تفرقش كتير عن أحمد عز والاتنين طالعين يغسلوا سمعتهم على الشاشة، ولكن العيب مش عليهم العيب على اللى أداهم الفرصة للظهور على الشاشة، وفى قاعدة بتقول لو فى مجرم ظهر فى الإعلام وشافوه 10 أشخاص واحد من العشرة دول هايتعاطف معاه، يبقى إحنا خليناهم يكسبوا ناس».