«إبراهيم حسن» يفتح النار على «علام»

قال إبراهيم حسن، مدير الكرة بنادى الاتحاد السكندرى، إنه وشقيقه حسام حسن «زهقوا من المطالبة بتدريب المنتخب المصري»، مؤكداً: «هنسافر للخارج للناس اللى تقدرنا وتحترمنا» وأضاف «حسن» أنهما سيتركان تدريب فريق الاتحاد بسبب ظروف النادى المادية، واعتبرها «غير مساعدة على تحقيق ما يُريدانه» مشيرا إلى أنهما يتمنيان الاستمرار مع الاتحاد السكندري، ولكن النادى يمر بأزمات مادية صعبة، وأكد إبراهيم حسن، أنهما «سيتخذان نفس طريق الراحل محمود الجوهرى فى السفر للخارج لتولى تدريب منتخبات عربية»، مضيفا: «إحنا بنحب مصر جدا، وحاولنا نخدمها من الداخل لكننا زهقنا من طلب تدريب المنتخب، ونتمنى ربنا يوفق مصر وتوصل لمرتبة عالية» وتابع: «فى الخارج هيحترمونا، إنما هنا مفيش احترام ولا تقدير، إحنا قدرنا كده وخلاص شيلنا تدريب المنتخب من دماغنا علشان الناس الموجودة فى الوسط الرياضى دلوقتى يرتاحوا، فربنا أراد إننا نرتبط بشخصيات مش مقدرة دورنا وأهميتنا».