الجمعة 29 مارس 2024
رئيس مجلس الإدارة
هبة صادق
رئيس التحرير
احمد باشا

«على مسئوليتى» لـ«صباحى»: مخدناش منك غير الكلام

«على مسئوليتى» لـ«صباحى»: مخدناش منك غير الكلام
«على مسئوليتى» لـ«صباحى»: مخدناش منك غير الكلام




كتبت - هايدى حمدى


أدلى حمدين صباحي، المرشح الرئاسى السابق ومؤسس التيار الشعبي، بتصريحات تحمل فى طياتها عدم الاعتراف بالإنجازات التى قدمها الرئيس عبدالفتاح السيسى والتى يسعى جاهدًا لتحقيق المزيد منها، فهو يعتقد أن السيسى ليست له رؤية مستقبلية واضحة.
وفى هذا السياق، هاجم أحمد موسى، مقدم برنامج «على مسئوليتى» المذاع عبر فضائية «صدى البلد»، حمدين صباحى بسبب تصريحاته حول عدم اعترافه بأن الرئيس عبد الفتاح السيسى له رؤية مستقبلية، والتى ظهرت من خلال المشروعات التى طرحها وبدأ فى تنفيذها، ولعل أبرزها مشروع قناة السويس الجديدة، فقال: «حمدين صباحى بيقول عالرئيس السيسى إنه معندوش رؤية، أنا عايز اسأل ا/حمدين احنا كشعب عارفين رؤية الرئيس رايحة فين وعندنا ثقة فيها عشان كدا انتخبناه، أنت بقا عملت إيه؟!».
واستعرض «موسى» الاقتراحات والتنازلات التى قام بها السيسى لمحاولة تقدم البلاد، واستنكر «موسى» تجاهل «صباحى» لتلك الأمور التى لم يقدم على نصفها، فقال: «الرئيس أول حاجة عملها تنازل عن جزء من الراتب وجزء من ثروته لصالح البلد، مشوفناش ا/حمدين اتبرع بـ١٠٠٠ جنيه حتى، ودلوقتى بنعمل مشروع عالمى الدنيا كلها منتظراه، والموضوع مش قناة جديدة وبس لا دا كمان فى نفس الوقت اللى بتتحفر فيه القناة واللى باقى عليه ١٤١ يومًا فى حوالين القناة ناس شغالة على تنميتها، يبقى كدا بيفكر فى مصر لقدام ولا رجعها ورا؟!».
وتساءل «موسى» متهكمًا: «الناس عارفة الرئيس السيسي، لكن متعرفش حمدين، عايز اسألك أنت عملت ايه فى تاريخك غير الكلام اللى مخدناش غيره، كل اللى عملته جرنال صغير ومنجحش واحنا عارفين توزيعه ايه، حتى أنت كصحفى مفيش إنجاز عملته».